Saray Salmo 92:7 - Maung A Balita Biblia

⁷ a nayarin ombaleg a singa dikarika iray totoon maoges, tan onaligwas iray amin a managgaway kaogsan; anggaman ontan, sigput so kaderal da,

Maung a Balita Biblia

⁷ a nayarin ombaleg a singa dikarika iray totoon maoges, tan onaligwas iray amin a managgaway kaogsan; anggaman ontan, sigput so kaderal da,

Saray Salmo 92:7 Referans Kwoze

Saray Salmo 37:38

balet naderal ya amin iray makasalanan, tan naoput iray kabyangay boleg da.

1 Pedro 1:24

Onung na ibabagay Masanton Sulat, “Amin a too singa ra dika, amin a kagalangan da singa ra rosas na dika. Namagaay dika, tan say rosas nalaylay met la,

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Malakias 3:15

Onung na nanenengneng tayo, saray mapaatagey a totoo so maliket. Ag labat onaaligwas iray totoon maoges, no ag ingen panusubok dad anos na Dios iray maoges a gagawaen da tan napapaliisan da.’”

Saray Salmo 73:12

Ontan iray totoon maoges. Anta daakan lay walad sikara, mandakel lan mandakel niy kayaryan da.

Say Libro nen Job 12:6

Balet mambibilay ed kareenan iray matatakew tan saray anggapoy takot ed Dios, anggaman a say dios da labat et say dilin biskeg da.

Isaias 37:27

Anggapoy agawaan na saray totoon manaayam diman. Ataktakot ira tan akatanga ran nikelawan. Nagmaliw iran singa dikad alog odino dika-rikan tinmubod toktok na abung a siniplug ira na ampetapetang a dagem a nanlapud bokig.”

Probirbio 1:32

Ompapatey iray totoon anggapoy salsalid panagbilay lapud ipopolisay day kakabatan. Nadederal iray totoon makulang-kulang lapud ag ira mangasasikaso.

Saray Salmo 94:4

Kapigan so itonda na panlalastug da ray managgaway kaogsan, tan say pampapasirayew dad saray kasalanan da?

Saray Salmo 73:22

nagmaliw ak ya ambagel a singa ayep ag ta ka atalusan.