Saray Salmo 92:5 - Maung A Balita Biblia

⁵ Matalonggaring a tuloy iray gawgawam, Katawan! Agaylay kaaralem na saray nunot mo!

Maung a Balita Biblia

⁵ Matalonggaring a tuloy iray gawgawam, Katawan! Agaylay kaaralem na saray nunot mo!

Saray Salmo 92:5 Referans Kwoze

Saray Salmo 40:5

Katawan a Dios mi, amayamay iray ginagawam a para sikami; anggapoy miparad sika! Amayamay iray makapakelaw a planom a para sikami. Ag kon balut nibitla ran amin— dakerakel iran tuloy!

Saray Salmo 139:17

O Dios, mairirap kon talusan iray kanunotan mo; amayamay iran tuloy!

1 CORINTO 2:10

Balet say Dios impaamta to yad sikatayo diad panamegley na Ispiritu. Ta sokimaten na Ispiritu iray amin a bengatla, anggan saray sankaaraleman a getmay Dios.

Saray Salmo 111:2

Makapakelaw a tuloy iray gagawaey Katawan! Amin da ray makaliliket ed saraya et labay da ran natalusan.

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!

Isaias 28:29

Amin ira yan kakabatan et nanlapud Katawan a Makapanyarin-amin. Saray plano na Dios et napno ra na kakabatan, tan aligwas lawas so pansumpalan da.

Saray Salmo 104:24

Katawan, amayamay iray pinapalsam a bengatla! Diad panamegley na ontan lan kakabatan mo, ginagawam ira! Say dalin napno na saray pinalsam.

Saray Salmo 66:3

Kuanyod Dios, “Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.

Jeremias 23:20

tan ag ontonda ya anggad nasumpal toy labay ton gawaen. Diad saray agew ya onsabi natalutalusan ya na saray totoo to.”

Ecclesiastes 7:24

Panoy pakapikabat na sakey a too ed kabaliksan na bilay? Aralem a tuloy so kabaliksan to, ag nayarin natalusan.

Saray Salmo 36:6

Say inkatonung mo et atagey a singa saray kapalandeyan, say kaptekan mo et singa kaaralem na dayat. Sika, Katawan, so mangaasikasod saray katoowan tan saray ayayep.

Saray Salmo 64:6

Maoges iray plano ra, tan kuanda, “Ayadyari so impangiplano tayo ed sayan krimin.” Ag natalusan so puso tan kanunotay too!