Saray Salmo 91:4 - Maung A Balita Biblia

⁴ Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Maung a Balita Biblia

⁴ Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Saray Salmo 91:4 Referans Kwoze

Saray Salmo 61:4

Panayam mo ak pad santuariom legay pambilay ko; diad silong na saray payak mo anggapo komuy nasagmak kon maoges.

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Saray Salmo 17:8

Iyagel mo ak pan singa panangyagel mod saray matam; iyamut mo ak pad silong da ray payak mo,

Deuteronomio 32:11

Say Katawan pansiansiaen ton ag napelag so Israel, singa sakey ya agilan babangatan ton ontikyab so sibong to, sasampaten to rad saray akabuskag a payak to.

Saray Salmo 35:2

Alam pay samper tan say kawes mon para bakal, ta dago mo ak ya iyagel.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Mateo 23:37

“Jerusalem, O Jerusalem! Papateyen mo ray propita tan tutupaken mo ray totoon imbakiy Dios ed sika! Amimpiga-pigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Ruth 2:12

Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”

Tito 1:2

a niletneg ed ilalod andi-anggaan a bilay. Say Dios ya ag mantila so angisipan ed sayan bilay, nanlapu lad kasakbayan na inkapalsay mundo.

Marcos 13:31

Naandipat so tawen tan dalin, balet ag balut naandipat iray salitak.”

Saray Salmo 138:2

Ondadakmomo ak ed arap na masanton Timplom tan idadayew koy ngaran mo, lapud ag mangoman a panangarom tan katooran mo, ta impanengneng mon sankatageyan so ngaran mo tan saray ganggan mo.