Saray Salmo 91:16 - Maung A Balita Biblia

¹⁶ Tumangan ko ra na andokey a bilay, tan ilaban ko ra.”

Maung a Balita Biblia

¹⁶ Tumangan ko ra na andokey a bilay, tan ilaban ko ra.

Saray Salmo 91:16 Referans Kwoze

Probirbio 3:2

Say bangat ko et itdan to ka na andokey tan maaligwas a bilay.

Probirbio 3:16

Say kakabatan itdan to kay andokey a bilay, kayamanan, tan kagalangan.

Saray Salmo 21:4

Kinmerew na bilay et initdan mo, andokey tan andi-anggaan a bilay.

Saray Salmo 50:23

Say pisasalamat so bagat a mangigagalang ed siak, tan andi-saew ya ilaban kon amin iray mangoonur ed siak.”

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Say Libro nen Job 5:26

Mambilay kay andokey, a singa trigon ontatakken ya anggad panagani.

Lucas 2:30

Ta anengneng na dilin matak so panangilaban mo,

Probirbio 22:4

Igalang moy Katawan tan mampaabeba ka, et nagamuran moy kayamanan, kagalangan, tan andokey a bilay.

Isaias 45:17

Balet ta inlaban na Katawan so Israel, tan mansiansiad ando lan ando so impanalo to; ag balut napelag ed kababaingan iray totoo to.’”

Saray Salmo 16:11

Ipaamtam ed siak so dalan a mamaarap bilay; say kiwawalam papanoen to ak na gayaga tan iitdan to ak na liket ya anggad angga.

Lucas 3:6

Tan nanengneng na amin a katoowan so panangilaban na Dios!’”

Probirbio 10:27

Makaparokey na bilay so pangigalang ed Katawan. Saray totoon maoges ompatey ira kasakbayay panaon da.