Saray Salmo 90:17 - Maung A Balita Biblia

¹⁷ Katawan a Dios mi, bindisionan mo kami pa. Paaligwas mo kami pad amin a gagawaen mi!

Maung a Balita Biblia

¹⁷ Katawan a Dios mi, bindisionan mo kami pa. Paaligwas mo kami pad amin a gagawaen mi!

Saray Salmo 90:17 Referans Kwoze

Probirbio 16:3

Kerew mod Katawan a bindisionan to ray planom, et nagawam ira.

1 CORINTO 3:7

Say manona aliwan say mantatanem odino say mansasalug, no ag say Dios a mamapabaleg.

2 TESALONICA 2:16

Say Katawan tayon Jesu-Cristo tan say Dios ya Ama tayo ya angarod sikatayo tan angiter ed sikatayoy andi-anggaan a biskeg na linawa tan maung ya ilalo lapud panangasi to,

Isaias 26:12

Sika, O Katawan, so mamaaligwas na bilay mi; sikay makankimey ed amin da ray gagawaen mi.

Saray Salmo 118:25

Ilaban mo kami, pikasi mid sika, Katawan! Paaligwas mo kami pa, Katawan!

Say Libro nen Job 22:28

Onaligwas ka ed amin a gawaen mo, tan onsindag so liwawa ed dalan mo.

Saray Salmo 80:3

Papawil mo kami pa, O Dios! Ipanengneng mo pad sikami so panangasim et nilaban kami!

Saray Salmo 68:28

Ipanengneng mo pay pakayarim, O Dios, say pakayarin inkanam a para sikami,

Saray Salmo 80:7

Papawil mo kami pa, O Dios a Makapanyarin-amin! Ipanengneng mo pay panangasim ed sikami, et nilaban kami!

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

Saray Salmo 110:3

Maabuloy iray totoom a milaban no agew a mibakal kad saray kalaban mo. Singa linaew ed kabkabwasan saray balolakim onla rad sika diad saray masanton pokdul.

Saray Salmo 50:2

Say Dios onsisindag a manlapud Sion, say siudad a nagnap sa dakep to.

Saray Salmo 27:4

Saksakey so kinerew kod Katawan; saksakey so pampipilalekan kon nagamuran: say panayam kod abung na Katawan legay bilay ko, pian nanengneng kod may kaabigan to, tan nakerew ko so panangiwanwan to.

1 Juan 3:2

Inararon anak, sikatayo natan so anak na Dios, balet aliwa nin malinew no antoy pagmaliwan tayo. Anggaman ontan, amta tayo a diad ipawil dia nen Cristo, magmaliw itayon singa sikato, ta nanengneng tayo diad dilin inkasikato.