Saray Salmo 90:13 - Maung A Balita Biblia

¹³ Katawan, kapigan so itonday pasnuk mo? Kasian mo kami pan aripen mo!

Maung a Balita Biblia

¹³ Katawan, kapigan so itonday pasnuk mo? Kasian mo kami pan aripen mo!

Saray Salmo 90:13 Referans Kwoze

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.

Saray Salmo 135:14

Iyagel na Katawan iray totoo to; kasian to ray aripen to.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Saray Salmo 80:14

Lingaw mo kami pa, O Dios a Makapanyarin-amin! Manlapud tawen osdungan mo kami pa; gala pa ta ilaban mo ray totoom!

Jonas 3:9

Angangko mangoman na kanunotan so Dios; pakepaen to angangkoy pasnuk to, et ag itayo ompatey!”

Amos 7:6

Inoman lamet na Katawan so kanunotan to, kanyan kuanto, “Ag met ya nagawa!”

Amos 7:3

Inoman na Katawan so kanunotan to kanyan inkuanto, “Ag nagawa so anengneng mo.”

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Saray Salmo 89:46

Andi-anggaan so iyaamut mo, Katawan? Kapigan mangangga so dalang na pasnuk mo?

Zacarias 1:16

Kanyan pinmawil ak ed Jerusalem ta kasian koy siudad. Napasimbalon nipaalagey so Timplok tan nipaalagey lamet so siudad.”

Jeremias 12:15

Balet kayarik iran pataynanen, kasian ko ra; ipawil koy balang too ed dilin baley to tan diad dilin bansa to.

Saray Salmo 74:10

Kapigay pangangga, O Dios, so pamabalaw ed sika na saray kalaban mi? Anggad angga so panlelemlemew dad ngaran mo?

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Exodo 32:12

Akin et abuloyan mon saray Egipsio et nayarian dan ibaga ya impaway mod Egipto iray totoom, ta getmam a pateyen ira ed kapalandeyan tan deralen iran sigput? Ag ka la kari mamapasnuk; mangoman ka lay kanunotan tan ag mo la komun ipapadalan so deral ed saray totoom.

Saray Bilang 10:36

Kapag ontonda, ikuanen Moises, “Katawan, pawil ka pad saray libo-libon pamilya na Israel.”

Saray Salmo 6:5

Diad pasen a panaayaman da ray inaatey, ag ka la nanunotan; anggapo lad may makapangidayew ed sika!

Saray Salmo 80:15

Gala pa ta ilaban mo yan ubas ya intanem mo, sayan malangwer nin ubas a pinabaleg mon mabisbiskeg!

Isaias 63:17

Akin et abuloyan mon nabalangan mi ray dalan mo? Akin et papaaweten moy olo mi, pian nibeneg mi ka? Pawil ka pa, makasengeg ed saray totoon manlilingkur ed sika, saray totoon kayaryan mo lawas.