Saray Salmo 9:12 - Maung A Balita Biblia

¹² Nununoten na Dios iray maniirap; ag to lilingwanan so ey-ey da, tan dudusaen to ray mamapasegsegang ed sikara.

Maung a Balita Biblia

¹² Nununoten na Dios iray maniirap; ag to lilingwanan so ey-ey da, tan dudusaen to ray mamapasegsegang ed sikara.

Saray Salmo 9:12 Referans Kwoze

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Saray Salmo 34:6

Ontatawag ed sikato iray doroka, et eebatan to ra; ilalaban to ra ed amin a gunigon da.

Puyan 16:6

Pinaagos day dala na saray totooy Dios tan saray propita, kanyan initdan mo ray dala ya inomen da. Kanepegan a nagawad sikara ya!”

Genesis 9:5

Nadusa so siopaman a mamatey na too. Dusaen ko na patey so anggan anton ayep a mamatey na too.

Isaias 26:21

Say Katawan et onsasabin manlalapud mangatatawen a pasen ya ayaman to tan dusaen to ray totood mundo lapud saray kasalanan da. Nipaamta iray maamut ya impamatey diad tapew na dalin, tan say dalin ag to la iyamut iray apatey-patey.

Saray Salmo 22:24

Say Katawan, ag to papaolyan iray mairap-bilay, tan ag to lilingwanan so kairapan da; ag to met ira bebenegan, no ag ingen eebatan to ra no onkekerew iray tulong.”

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.

Saray Salmo 102:17

Dengelen to ray nikaindan a totoo to tan ebatan toy pikakasi ra.

Saray Salmo 10:17

Dengelen mo, Katawan, so pikakasi da ray mapaabeba; pabiskegen moy linawa ra.

Saray Salmo 10:14

Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.

2 Saray Arari 24:4

nagkalalo lad samay impamatey tod saray totoon anggapoy kasalanan. Ag napirdona na Katawan si Manases lapud saman a ginawa to.

Exodo 3:9

Nadngel koy tagleey na saray totook tan anengneng kon peteg so pamapairap na saray Egipsio ed sikara.

Mateo 23:35

Lapud saya, napelag ed sikayoy dusa na impamatey ed saray totoon matonung, manlapud si Abel ya anggapoy kasalanan to ya anggad impamatey dad kinen Zacarias ya anak nen Barakias. Sikatoy pinatey yo diad nanleetay Timplo tan altar.

Saray Salmo 68:17

Say Katawan a kaiba to ray nilibon makapanyarin karwahi to et oonlad masanton pasen manlapud Sinai.

Saray Salmo 74:2

Nunot mo pa ray totoom ya abayag mo la ran pinili a kayaryan mo, saray totoon inagwat mod impakaaripen da, pian magmaliw iran dilin tribum. Nunot mo pay Palandey na Sion a nanayaman mo nen saman.

Saray Salmo 76:3

Diman to pinoter iray pana da ray kalaban, saray samper tan saray ispada ra, tan amin ya armas dan para bakal.

Saray Salmo 132:13

Pinili na Katawan so Sion; labay ton dimay panayaman to:

Isaias 8:18

Wadya ak, kaibak iray anak ya inter ed siak na Katawan. Say Katawan a Makapanyarin-amin a say trono to et walad toktok na Palandey na Sion, ginawa to kamin mabilay a tanda a pakapatnagan na saray totoo ed Israel.