Saray Salmo 89:51 - Maung A Balita Biblia

⁵¹ Katawan, papabaingan na saray kalaban mo so pinilim ya ari! Nileleglemew da ya anggan iner so laen to.

Maung a Balita Biblia

⁵¹ Katawan, papabaingan na saray kalaban mo so pinilim ya ari! Nileleglemew da ya anggan iner so laen to.

Saray Salmo 89:51 Referans Kwoze

Saray Salmo 74:10

Kapigay pangangga, O Dios, so pamabalaw ed sika na saray kalaban mi? Anggad angga so panlelemlemew dad ngaran mo?

1 Pedro 3:16

Balet nepeg a maoyamo tan mapagalang kayod panagebat yo. Pansiansia yon malinis so konsinsia yo, pian nabaingan iray mamaoges ed panggawa yoy kamaungan diad itombuk yod Cristo.

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.

Saray Hebreo 10:33

No arum, pinapabaingan tan pinapairap da kayod arap na karaklan; no arum met, akidamay kayod saray naniirap na onya.

Saray Gawgawa 5:41

Maliket iray apostol a tinmaynan ed arap na Sanidrin, lapud impasey Dios a manepeg iran manirap na kababaingan lapud ngaran nen Jesus.

Juan 8:48

Inmebat iray Judio ed kinen Jesus, “Ag kasi tuay ibabaga min Samaritano ka, tan inaponan kay dimonyo?”

Mateo 26:61

tan inkuanda, “Inkuanto yan too, ‘Sarag kon gebaen so Timplo na Dios, insan ko ipaalagey ed loob na taloy agew.’”

Mateo 12:24

Balet nen nadngel ya na saray Pariseo inkuanda, “Napapaekal to ray dimonyo lapud si Beelzebul a prinsipi na saray dimonyo et initdan toy pakayari.”

Saray Salmo 57:3

Manlapud tawen ebatan to ak tan ilaban to ak; taloen to ray mamapairap ed siak. Ipanengneng na Dios ed siak so ag mangoman a panangaro to tan say inkatoor to.

Saray Salmo 69:8

Singa ak sangkaili ed saray dilin agagik, singa ak toon nanlapud arum a bansa ed dilin pamilyak.

Daniel 9:16

Nen saman inyaagel mo kami lapud pakayarim, kanyan ag ka pa la mamapasnuk ed Jerusalem. Siudad tan masanton pokdul mo so Jerusalem. Balbalawen na amin a totoo ed saray kaliber-liber a bansa so Jerusalem tan saray totoom, lapud saray kasalanan mi tan saray maoges a ginagawa da ray lalaki mi.