Saray Salmo 89:38 - Maung A Balita Biblia

³⁸ Balet mamapasnuk kad pinilim ya ari; inkaindan tan impolisay mo.

Maung a Balita Biblia

³⁸ Balet mamapasnuk kad pinilim ya ari; inkaindan tan impolisay mo.

Saray Salmo 89:38 Referans Kwoze

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Deuteronomio 32:19

“Nen anengneng na Katawan yan ginawa ra, akapasnuk tan impolisay to ray anak ton lalaki tan bibii.

Saray Salmo 106:40

Kanyan amasnuk so Katawan ed saray totoo to; naingungotan ed sikara.

Saray Salmo 89:51

Katawan, papabaingan na saray kalaban mo so pinilim ya ari! Nileleglemew da ya anggan iner so laen to.

Zacarias 13:7

Say Katawan a Makapanyarin-amin kuanto, “Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Oseas 9:17

Say Dios a panlilingkuran ko et ipolisay to ray totoo to, lapud ag ira dinmengel ed sikato. Magmaliw iran akar-akar ed saray bansa.

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.

Saray Tagleey 2:7

Impolisay na Katawan so altar to tan say masanton Timplo to; Inabuloyan ton igeba na saray kalaban iray padir to. Diad pasen a maliket min angigagalangan nen saman, inmeeyag ira lapud impanalo.

Jeremias 12:1

“Katawan, no manriklamo ak ed sika, napaneknekan mon matonung ka. Anggaman ontan tepetan ta ka na nipaakar ed katonungan. Akin et maaligwas so panagbilay da ray totoon maoges? Akin et mapalabo ray managpalikdon totoo?

Saray Salmo 84:9

Bindisionan mo pay ari mi, O Dios, say ari a pinilim!

Saray Salmo 78:59

Say Dios akapasnuk nen anengneng to ya, kanyan impolisay ton sigput iray totoo to.

Saray Salmo 77:7

“Say Katawan lawas to itayo la kasin ipolisay? Ag to itayo la kasi pakaliketan?

Saray Salmo 60:10

Peteg ya impolisay mo kami la? Ag ka la miolup ed saray sondalo mi?

Saray Salmo 60:1

Inkaindan mo kami, O Dios, tan tinalo mo kami; nampasnukan mo kami—balet natan, pawil ka pa lad sikami!

2 Samuel 15:26

Balet no aliwan maung so linawa tod siak, akaparaan ak a mangawat ed antokaman a labay ton gawaen ed siak.”

2 Samuel 1:21

“Anggapo komuy ompelag ya oran o linaew ed saray pokdul na Gilboa; anggapo lawas komun so antokaman ya ontobo ed saray alog to. Ta saray samper na masesebeg kitongilang irad man a nakalay kagalangan; say samper nen Saul wadman ya ag la nalalarakan.