Saray Salmo 89:36 - Maung A Balita Biblia

³⁶ Nawalaan lawas na saray kabyangay boleg to, tan daput onsisinag so agew asikasoen koy nanarian to.

Maung a Balita Biblia

³⁶ Nawalaan lawas na saray kabyangay boleg to, tan daput onsisinag so agew asikasoen koy nanarian to.

Saray Salmo 89:36 Referans Kwoze

Saray Salmo 72:5

Igalang ka komun na saray totoom anggad onsisinag ni so agew, legan ya onliliwawa niy bulan, diad amin a panaon.

Saray Salmo 89:29

Sakey a kabyangay boleg to so lawas manari; say panarian to ag manganggan singa say tawen.

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.”

Saray Salmo 72:17

Ag komun nalingwanan so ngaran na ari; mansiansia komun a singa agew so inkabantug to. Amin a bansa kerewen da komun ed Dios a bindisionan to ra a singa impamindision tod ari.

Lucas 1:33

Manarin andi-anggaan ed saray kabyangay boleg nen Jacob, tan anggapoy anggaan so panarian to!”

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Saray Salmo 89:4

‘Sakey a kabyangay boleg mo so manari lawas, tan pansiansiaen kon anggad angga so panarian mo.’”

2 Samuel 7:16

Nawalaan ka lawas na saray kabyangay boleg mo, tan pansiansiaen ko ya anggad angga so nanarian mo.’”

Juan 12:34

Inmebat iray totood sikato, “Nadngel mid Ganggan a say Cristo mansiansiad ando lan ando. Panoy pangibagam sirin a nibitin so Anak na Too? Siopa ta yay Anak na Too?”

Jeremias 33:20

“Akisipanan ak ed agew tan say labi, kanyan onsabi ra lawas ed manepeg a panaon; et ag yan balut naderal a sipanan.

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

2 Samuel 3:9

Insipan na Katawan ed kinen David ya ekalen toy nanarian ed kinen Saul tan saray kabyangay boleg to, insan to gawaen ya ari si David ed Israel tan Juda, manlapud baley na Dan ya anggad baley na Beer-seba. Pateyen ak komun na Dios no ag ko gawaey polaing ya ontua ya!”

Jeremias 33:21

Ontan met akisipanan ak ed aripen kon David pian nawalaan lawas na kabyangay boleg a manari, tan akisipanan ak ed saray papari a kabyangay tribu nen Levi pian manlingkur ira lawas ed siak; et ag ira yan balut naderal a sipanan.

Amos 4:2

Diad inkatonung na Katawan a Dios insipan to, “Onsabi ray agew a gayugoyen da kayon amin a singa siran atagaan.