Saray Salmo 89:30 - Maung A Balita Biblia

³⁰ “Balet no saray kabyangay boleg to et sumlangen day ganggan ko tan ag ira mambilay onung ed saray pananontonan ko,

Maung a Balita Biblia

³⁰ Balet no saray kabyangay boleg to et sumlangen day ganggan ko tan ag ira mambilay onung ed saray pananontonan ko,

Saray Salmo 89:30 Referans Kwoze

2 Samuel 7:14

Siak so ama to tan sikatoy magmaliw ya anak ko. No manggaway maoges, dusaen kon singa panusay ama ed anak to.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Probirbio 28:4

No ag mo onuren so ganggan migagampi kad saray totoon maoges, balet no onuren mo kalaban mo ra.

Saray Salmo 132:12

No tooren na saray anak mo so impisipanan ko, tan onuren da ray ganggan ya ibangat kod sikara, onsalat met a manari ya anggad angga iray anak da.”

Saray Salmo 119:53

Mapalaloy petang na olok, no nanenengneng ko ray totoon maoges a susumlangen day ganggan mo.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Ezekiel 20:19

Siak so Katawan a Dios yo. Onur yo ray ganggan ko tan saray bilin ko.

Ezekiel 18:17

Ag to labay so manggawa na antokaman a kaogsan tan ag to ipapaabang so kuarta to. Oonuren to ray ganggan ko tan susumpalen to ray bilin ko. Ag ompatey lapud saray kasalanan nen ama to, no ag ingen sikatoy mambilay.

Probirbio 4:2

Maung iray ibabangat ko, kanyan ag yo ra lilingwanan ya amin.

Ezekiel 18:9

Oonuren to ray ganggan ko tan aapigeren ton sumpalen iray bangat ko. Sayan too so tuan matonung, et sikatoy mambilay,” kuay Katawan a Dios.

Deuteronomio 11:21

Diad satan sikayo tan saray anak yo et mambilay na andokey ed dalin ya insipan na Katawan a Dios yo ya iter tod saray lalaki yo. Manayam kayod man legan a walay tawen ed tagey na dalin.

Saray Salmo 89:5

Saray katawenan ikakanta ray makapakelaw a gagawaen mo, O Katawan; ikakanta na saray masantom so inkatoor mo.

Jeremias 33:17

Siak, say Katawan, isisipan ko a wala lawas so manarid Israel a kabyangay boleg nen David,