Saray Salmo 89:21 - Maung A Balita Biblia

²¹ Niwala lawas ed sikatoy biskeg ko, tan pabiskegan na pakayarik.

Maung a Balita Biblia

²¹ Niwala lawas ed sikatoy biskeg ko, tan pabiskegan na pakayarik.

Saray Salmo 89:21 Referans Kwoze

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Saray Salmo 89:13

Agaylay pakayarim! Agaylay biskeg mo!

Zacarias 10:12

Pabiskegen ko ray totook; igalang tan onuren da ak.” Say Katawan so nansalita.

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

1 Samuel 16:13

Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.

2 Samuel 23:1

Si David a lakin anak nen Jesse et sikatoy ginawa na Dios a matalonggaring, pinili na Dios nen Jacob a manari, tan sikatoy nanggawa na saray marakep a kanta a para Israel. Nia ray kaonuran a salita nen David: