Saray Salmo 89:12 - Maung A Balita Biblia

¹² Ginawam so baybay tan say abalaten; kakantaan ka na Palandey na Tabor tan say Palandey na Hermon lapud liket da.

Maung a Balita Biblia

¹² Ginawam so baybay tan say abalaten; kakantaan ka na Palandey na Tabor tan say Palandey na Hermon lapud liket da.

Saray Salmo 89:12 Referans Kwoze

Say Libro nen Job 26:7

Impanat na Dios so baybay a tawen, tan imbitin tod liwang so mundo.

Josue 19:22

Nasabi na ketegan da so Tabor, Sahazuma, tan Bet-semes, insan mansamput ed Jordan. Sakop to so labinanem a siudad a pati saray baley ed kaliber-liber da.

Josue 12:1

Adakep tan panaayaman la na saray totood Israel so dalin a nibokig na Jordan, manlapud Patar na Arnon ya anggad Patar na Jordan tan diad Palandey na Hermon diad baybay. Duaran arari so tinalo ra.

Saray Salmo 133:3

Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Saray Salmo 98:8

Mantipak kayo, sikayo ran ilog; mantetekep kayon mankanta a maliket diad arap na Katawan, sikayo ran kapokdulan,

Saray Huis 4:12

Nen akabatan nen Sisara a linmay Barac ed Palandey na Tabor,

Saray Huis 4:6

Aminsan ya agew impaawit toy Barac a lakin anak nen Abinoam a taga siudad na Kedes na Neftali tan kuantod sikato, “Say Katawan a Dios na Israel et inter tod sika yan ganggan: ‘Mangala kay samplon libon lalaki ed saray tribu di Neftali tan Zabulon tan ipangulom iran onlad Palandey na Tabor.

Jeremias 46:18

Siak, a Katawan a Makapanyarin-amin, et ari. Siak so mabilay a Dios. Say biskeg na onsabin ondogpa ed sikayo et singa Palandey na Tabor ya atagey nen saray arum, tan singa Palandey na Carmelo a diad kinaatagey to et ososdungan toy dayat.

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Saray Salmo 24:2

Inletneg tod aralem a danum diad dalem na dalin tan inlira tod dalem na dayat iray pundasion to.

Saray Salmo 115:16

Kayaryan a bukor na Katawan so tawen, balet inter toy mundo ed too.