Saray Salmo 88:8 - Maung A Balita Biblia

⁸ Sikay sengegan na impangikaindan ed siak na saray kakaarok; impagmaliw mo ak a makarimdimla ed sikara. Nipokuk ak kanyan ag ak la makapaway;

Maung a Balita Biblia

⁸ Sikay sengegan na impangikaindan ed siak na saray kakaarok; impagmaliw mo ak a makarimdimla ed sikara. Nipokuk ak kanyan ag ak la makapaway;

Saray Salmo 88:8 Referans Kwoze

Saray Salmo 31:11

Balbalawen ak na amin a kalaban ko; kabkabosul ak na saray kakaabay ko. Antakot ed siak iray makapikabat ed siak; no nanengneng da ak ed dalan, ibatikan da ak.

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Jeremias 32:2

Diad saman a panaon, dodogpaan na saray sondalo na ari na Babilonia so Jerusalem, tan asaraan ak ed patio na palasioy ari.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Juan 11:57

Ingganggan na saray manonan papari tan saray Pariseo a no walay makapikabat no iner so kawalaan nen Jesus, ibaga tod sikara pian naerel da.

Isaias 63:3

Say Katawan ebat to, “Ginagatinan kon singa ubas iray bansa, et anggapoy dinmagon tinmulong ed siak. Ginagatinan ko rad pasnuk ko, et awalwalsikan na dala so intiron kawes ko.

Saray Salmo 143:4

Kanyan nanaekalan ak lay ilalo; mapalaloy paneermen ko.

Saray Salmo 142:4

No onlingaw ak ed diking ko, anggapoy nanengneng kon ontulong ed siak; anggapoy mangyagel ed siak. Anggapoy mangaasikasod siak.

Saray Salmo 88:18

Tinanggoyur mon ikaindan ak na saray malmalet a kakaarok; bilonget labat so akeraan a kaibak.

Say Libro nen Job 30:10

Kabosubosul da ak; abaloan dan ag ak manepeg ed sikara, tan ag da kawkawanan ingen a lukdaan ak ed lupa.

Say Libro nen Job 19:8

Sinaraan na Dios so dalan, kanyan ag ak makalabas; kinobutan to na bilonget so dalan ko.

Say Libro nen Job 12:14

No amagbag so Dios, siopay makapangipaalagey, tan siopay makapangibolus ed toon ikolung to?

Saray Salmo 42:8

Say Katawan ipanengneng to komun no agew so ag mangoman a panangaro to, pian makapankanta ak no labi, kantan pampikasik ed Dios na bilay ko.