Saray Salmo 88:6 - Maung A Balita Biblia

⁶ Insorub mo ak ed dalem na lobuk, diad sankabilongetan tan sankaaralem ya abut.

Maung a Balita Biblia

⁶ Insorub mo ak ed dalem na lobuk, diad sankabilongetan tan sankaaralem ya abut.

Saray Salmo 88:6 Referans Kwoze

Saray Salmo 69:15

Ag mo pa iyaabuloy a nalipos ak ed delap; ag mo pa iyaabuloy a nalener ak ed aralem a danum, odino akmunen ak na lobuk.

Saray Salmo 86:13

Agaylay kabaleg so ag mangoman a panangarom ed siak! Inlaban mo ak ed lobuk.

Juan 12:46

Linma ak dia a silew ed sankamundoan, pian siopamay manisiad siak et ag mansiansiad kabilongetan.

Saray Tagleey 3:2

Sinonson to ak lan sinonson ed kabilongetan ya anggapo lan balut so liwawa.

Saray Salmo 143:3

Inosilan ak na kalaban ko, tan sigput to ak a tinalo. Impokuk to ak ed ambilonget a prisowan, tan singa ak saray inaatey lan abayag.

Saray Salmo 40:2

Inaon to ak ed abut na kaatapan tan diad gayungayun na patey. Inlira to ak ed tapew na baton-dampay et niarawi ak ed kaatapan.

Judas 1:13

Singa ra ankakabaleg a daluyon ed dayat a saray makapabaing a gawa so bora ra. Singa ra abalbalang a bitewen a nigana rad anggad anggan sankabilongetan a pasen.

Judas 1:6

Nunot yo met iray anghil ya ag nansiansiad sakop na kanepegan tan kipapasen da; ingen tinaynan day panaayaman da. Say Dios binalur to ra na andi-anggaan a golunggolung diad aralem tan ambilonget a pasen, a diman da aalagdey pakadusa ra no Agew na Okum.

Saray Tagleey 3:55

“Manlapud dalem na bobun tinmawag ak ed sika, O Katawan,

Probirbio 4:19

Balet say dalan a pankukurangan da ray totoon maoges et ambilonget a singa labi. Natumba ra, ta ag da nanengneng so akapateran da.

Saray Salmo 130:1

Manlapud kaaraleman na inkaekalan koy ilalo, ontatawag ak ed sika, Katawan.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.

Jonas 2:4

Abaloan kon ya atawtaw ak la ed arap mo tan ag ko la nanengneng lamet so masanton Timplom.