Saray Salmo 88:11 - Maung A Balita Biblia

¹¹ Nibabawag ed lobuk so ag mangoman a panangarom? Diad pasen a pakadudusaan na saray inaatey nibabawag so katooran mo?

Maung a Balita Biblia

¹¹ Nibabawag ed lobuk so ag mangoman a panangarom? Diad pasen a pakadudusaan na saray inaatey nibabawag so katooran mo?

Saray Salmo 88:11 Referans Kwoze

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

Saray Taga Roma 9:22

Ontan met, anggaman a labay na Dios ya ipanengneng so pasnuk to tan ipaamtay pakayari to, inanosan ton maung ya intepel iray totoon pamapasnukan to tan nepeg la ran dusaen.

Mateo 7:13

“Loob kayod mainget a puirta, ta maawang so puirta tan mainomay so dalan a mamaarap ed impirno, tan sikato yay dadalanen na amayamay a totoo.

Probirbio 15:11

Amta na Katawan so anggan walad pasen a panaayaman da ray inaatey; panon sirin ya iyamut na too ed Dios iray kanunotan to.

Saray Salmo 73:18

Andi-duaruwan iyakar mo rad andanglel iran pasen tan ipatumbam iran naderal.

Saray Salmo 55:23

Balet sika, O Dios, ibantak mod lobuk, iray totoon managtila tan managpatey kasakbayay pakasumpal na kapalduay bilay da diad tapew na dalin. Siak, balet, sikay panmatalkan ko.

Say Libro nen Job 26:6

Sankanengneng na Dios so pasen a panaayaman da ray inaatey; anggapoy makasanib ed mata to.

Say Libro nen Job 21:30

Diad agew na isabiy pasnuk tan pananusa na Dios, say toon maoges so nilaban lawas.

Saray Salmo 6:6

Makapkapoy ak lad paneermen ko; nilabi-labin nababasa so dokulan ko, tan naleleteb na luak so danganan ko lapud panaakis ko.

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Ezekiel 37:3

Inkuantod siak, “Sika a toon ompatey, nabilay ni kasi ra yan pokel?” Inmebat ak, “Katawan a Dios, sika labat so makaebat ed satan a tepet mo!”