Saray Salmo 88:10 - Maung A Balita Biblia

¹⁰ Manggagawa ka na saray milagro a para saray inaatey? Ombabangon tan mangidadayew irad sika?

Maung a Balita Biblia

¹⁰ Manggagawa ka na saray milagro a para saray inaatey? Ombabangon tan mangidadayew irad sika?

Saray Salmo 88:10 Referans Kwoze

Saray Salmo 6:5

Diad pasen a panaayaman da ray inaatey, ag ka la nanunotan; anggapo lad may makapangidayew ed sika!

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Saray Salmo 30:9

“Anton kaabigan so niiter ed sika na ipatey ko? Anton gunggona so naalam ed kipompon ko? Nadayew ka ni na saray inaatey? Nibawag da niy inkamaung mo?

Saray Salmo 118:17

Ag ak ompatey, no ag ta mambilay ak tan ibawag ko ray ginagaway Katawan.

Saray Salmo 115:17

Say Katawan ag idadayew na saray inaatey, saray oonlad dalin na kareenan.

Saray Salmo 86:3

Sikay Dios ko, kanyan kasian mo ak pa; mikakasi ak lawas ed sika.

Saray Salmo 143:6

Itatagey ko ray limak a mampikasid sika; singa amagan dalin a napgaan ed sika so kamarerwak.