Saray Salmo 88:1 - Maung A Balita Biblia

¹ Katawan a Dios a manangilaban ko, no agew onkekerew ak na tulong ed sika, tan no labi onaasingger ak ed sika.

Maung a Balita Biblia

¹ Katawan a Dios a manangilaban ko, no agew onkekerew ak na tulong ed sika, tan no labi onaasingger ak ed sika.

Saray Salmo 88:1 Referans Kwoze

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Saray Salmo 22:2

Tatawagen ta ka no agew, Dios ko, balet ag mo ak eebatan; Tatawagen ta ka no labi, balet ag ak nainawaan.

Lucas 18:7

Say Dios balet ey? Ag to kasi iter so kanepegan da ray dilin totoo to ya agew-labin mikasi? Ag to ra kasi tulongan a tampol?

Saray Salmo 86:3

Sikay Dios ko, kanyan kasian mo ak pa; mikakasi ak lawas ed sika.

Saray Salmo 53:1

Saray makulang-kulang a totoo kuandad sikaran dili, “Anggapoy Dios!” Maoges ira tan makapataktakot iray ginagawa ra; anggapoy anggan sakey a toon manggagaway kamaungan.

Saray Salmo 51:14

Iyagel mo pay bilay ko, O Dios a manangilaban ko, et maliket ak a mangibawag na inkatonung mo.

Saray Salmo 27:9

Ag mo ak pa iyaamutan! Ag mo ak pa pamapasnukan; ag mo ak pa ipopolisay. Sikay mananulong ko; ag mo ak pa tataynan, ag mo ak pa ikakaindan, O Dios a manangilaban ko!

1 Saray Arari 4:31

Sankakabatan ed amin da ray totoo: makabat nen si Etan ya Ezrahita, tan di Heman, Calcol, tan Darda a lalakin anak nen Mahol. Binmantug ed saray bansad kaliber-liber na nanarian to.

Genesis 49:18

“Manalagar ak na panangilaban mo, Katawan.

Tito 2:13

legan tin aalagden so iilaloan tayo—say maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

Lucas 2:37

insan abalo, tan natan walomplo tan apat taon to lan abalo. Ag la onaalis ed Timplo, tan agew-labin igagalang toy Dios diad panamegley na panaayuno tan pampipikasi to.

Lucas 2:30

Ta anengneng na dilin matak so panangilaban mo,

Lucas 1:47

tan manliket so ispirituk lapud Dios a Manangilaban ko,

Isaias 62:6

Angipasen ak ed tapew na saray padir mo, Jerusalem, na saray bantay; Nepeg ya agew labi ran ag balut ondeen. Nepeg ya ipanunot dad Katawan iray sipan to Tan ag da ipalingwan ed Katawan.

Saray Salmo 140:7

Katawan a Dios ko, say mabiskeg a manangyagel ko, inyagel mo ak legay bakal.

Saray Salmo 79:9

Tulongan mo kami pa, O Dios, tan ilaban mo kami pa; iyagel mo kami pa tan pirdonam pa ray kasalanan mi, lapud kagalangay ngaran mo.

Saray Salmo 68:19

Idayew tayoy Katawan, a manasakbat ya inagew-agew na saray kairapan tan saray gunigon tayo; sikatoy Dios a mangilalaban ed sikatayo.

Saray Salmo 65:5

Eebatan mo kami diad panamegley na pangiiter mod sikamiy pananalo, tan ilalaban mo kami diad panggagawam na saray pakelaw. Saray katoowan ed intiron mundo tan nibaliw na maawang iran dayat et manmamatalek irad sika.

Saray Salmo 62:7

Walad Dios so kilalaban tan kagalangan ko; sikatoy mabiskeg a manangyagel ko; sikatoy salimbeng ko.

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Saray Salmo 24:5

Say Katawan bindisionan tan ilaban to ra; say Dios ibawag to ran anggapoy kasalanan.

Nehemias 1:6

Imano mo ak pa, Katawan, tan talineng mo ak pa ed agew-labin pangipipikasik ed saray aripen mo a totood Israel. Ipatuak a nankasalanan kami, sikamin totood Israel. Nankasalanan ak tan saray lalakik.

1 TESALONICA 3:10

Labi-agew masimoon min ipipikasi ed Dios a napinengnengan mi kayo komun lamet tan niiter miy kakulangan ed pananisia yo.

1 Saray Awaran 2:6

Limaray lalakin anak nen Zara ya agi nen Fares: di Zimri, Etan, Heman, Calcol, tan Dara.

Tito 2:10

Ibagam ed sikaran ag da tatakeway amo ra no ag ingen ipanengneng da lawas so kamaungan tan inkatoor da, pian diad amin a gawaen da, nipanengneng day dakep na bangat na Dios a Manangilaban tayo.

2 Timoteo 1:3

Misasalamat ak ed Dios a diad panlilingkur kod sikato et malinis so konsinsiak, a singa ginawa da ray lalakik. Misasalamat ak ed sikato kapag nanunotan ta ka ed saray agew-labin pikakasik.

1 Saray Arari 5:11

tan si Solomon initdan ton tinaon si Hiram na sanlasus libon sako ya arina tan sanlasus tan samplon libon galon a puron larak na oliba ya ipakan tod saray totoo to.

1 Saray Awaran 6:18

si Coat so ama di Amram, Izhar, Hebron, tan Uziel;

Saray Salmo 42:1

No panoy pampipirawat na ulsa ed ambetel a danum na kolus, ontan met so pampipirawat kod sika, O Dios.