Saray Salmo 87:7 - Maung A Balita Biblia

⁷ Onsasayaw tan ikakanta ra, “Diad Sion so panlalapwan na amin a bindision tayo.”

Maung a Balita Biblia

⁷ Onsasayaw tan ikakanta ra, Diad Sion so panlalapwan na amin a bindision tayo.

Saray Salmo 87:7 Referans Kwoze

Saray Salmo 36:9

Sikay panlalapwan na amin a bilay, tan lapud silew mo nanenengneng miy liwawa.

Juan 1:16

Diad inkapno toy aro, pinalangkapan to itayon amin na ag nasabsabaan a kaabigan.

Isaias 12:3

Onung a say ambetel a danum et mangiiter na liket ed saray totoon napgaan, ontan met a saray totoo na Dios et manliket ira no ilaban to ra.”

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

1 Saray Awaran 23:5

Impasen to ray apat a libo a mangguardia, tan say apat a libo et impasen to ran mangigalang ed Dios diad pangikana ray kagawaan ed musika ya inter ton para sayan pamaakaran.

2 Samuel 6:14

Si David, ya akabariber labat na abel a linen ed awak to, et sinmayaw ed anggaay nayarian to a pangigalang tod Katawan.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

Juan 4:10

Inmebat si Jesus, “No amtam labat so iter na Dios tan no kabat mo no siopay mikekerew ed sika na inomen, miala kad sikato angangko et itdan to kay mabilay a danum.”

Saray Salmo 46:4

Walay ilog a mangiiter na gayaga ed siudad na Dios, diad masanton ayaman na Sankatageyan.

Saray Salmo 149:3

Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Saray Salmo 68:26

“Idayew yoy Dios diad pantitipon da ray totoo to; idayew yoy Katawan, amin yon kabyangay boleg nen Jacob!”

Ezekiel 47:1

Samay laki impawil to ak ya inyakar ed lolooban na samay Timplo. Ompapaway ed silong na lolooban so danum tan managagos a mamaarap ed bokig ya akaarapan na Timplo. Managagos imay danum manlapud silong na niabalaten a parti na Timplo tan ondadalan ed niabalaten a dapag na altar.