Saray Salmo 86:9 - Maung A Balita Biblia

⁹ Amin da ray bansan pinapalsam ondago ra tan ondakmomo rad sika. Idayew day inkatalonggaring mo.

Maung a Balita Biblia

⁹ Amin da ray bansan pinapalsam ondago ra tan ondakmomo rad sika. Idayew day inkatalonggaring mo.

Saray Salmo 86:9 Referans Kwoze

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

Isaias 66:23

Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem,” kuay Katawan.

Saray Salmo 66:4

Igagalang kay amin a katoowad tapew na dalin; mangakanta ran mangidayew ed sika, mangakanta ran mangidayew ed ngaran mo.”

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Saray Salmo 102:15

Takotan na saray bansa so Katawan; takotan na amin ya ararid tapew na dalin so pakayari to.

Isaias 43:7

Sikaray dilin totook, tan pinalsak ira a mangiter ed siak na kagalangan.”

Saray Taga Roma 15:9

tan saray Hintil et igalang day Dios lapud panangasi to. Onung na ibabagay Masanton Sulat, “Kanyan idayew ta kad saray Hintil, tan kantaan ko so ngaran mo.”

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Zacarias 14:9

Insan say Katawan so magmaliw ya ari ed intiron mundo; balang sakey a too et igalang to a Dios tan nakabatan da ed saksakey a ngaran.

Isaias 59:19

Amin a totoo, manlapud bokig ya anggad sagur, takotan day Katawan tan say baleg a pakayari to. Onsabi a singa maples ya ilog, singa mabiskeg a dagem.

Isaias 11:9

Diad Sion a masanton palandey na Dios, anggapoy antokaman a mamasakit odino manderal. Say dalin napano na pikakabat ed Katawan a singa inkapnoy dayat na danum.

Saray Salmo 102:18

Nepeg ya isulat para ontombuk a kailalakan so ginagaway Katawan, pian idayew na saray totoon ag ni nianak.

Saray Salmo 72:19

Idayew yon anggad angga so mapagalang a ngaran to! Panoen komun na kagalangan to so intiron mundo! Amen! Amen!

Saray Salmo 67:7

Binindisionan itayoy Dios; igalang komun na katoowan ed amin a pasen.

Puyan 20:3

Insan to imbantak ed abut ya ag natokur, intalak toy puirta tan minarkaan to na timbri, pian samay dragon et ag to la napalikdo ray bansa ya anggad kasumpal na sanlibon taon. Kasumpal na sanliboy taon, sikatoy nepeg a papawayen a magano.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

TAGA-EFESO 1:12

Sikami sirin ya onaan a nanilalod Cristo, itanduro miy kagalangan na Dios!

Saray Salmo 72:8

Manlapud dayat ya anggad dayat so sakop na nanarian to, manlapud Ilog na Eufrates ya anggad saray samput na dalin.

2 Saray Awaran 6:33

dengel mo pay pikakasi to. Diad ayaman mod tawen Katawan, dengel mo pa tan iter mo so antokaman a kerewen tod sika, pian naamtaan tan takotan ka na amin a katoowan ed mundo a singa saray totoom ya Israel. Naamtaan dad satan a diad sayan Timplo ya impaalagey ko so nepeg a pangigalangan ed sika.

Sofonias 3:9

“Insan ko pasimbaloen iray totood saray bansa, tan mampikasi rad siak labat ya aliwan diad saray diriyos, tan siak labat so panlingkuran dan amin.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!