Saray Salmo 86:5 - Maung A Balita Biblia

⁵ Katawan, maung tan manamirdona ka, napno kay ag mangoman a panangaro ed amin da ray mampipikasid sika.

Maung a Balita Biblia

⁵ Katawan, maung tan manamirdona ka, napno kay ag mangoman a panangaro ed amin da ray mampipikasid sika.

Saray Salmo 86:5 Referans Kwoze

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Exodo 34:6

Say Katawan ed satan linmabas ed arap nen Moises tan imbawag to, “Siak a Katawan so sakey a Dios a maaro tan mapangasi; aliwa ak a maipapasnuk tan napno ak na baleg a panangaro tan katooran.

Nehemias 9:17

Ag ira tinmoluk; alingwanan da ray amin a ginagawam; alingwanan da ray milagron ginagawam. Lapud panagpasirayew da amili ray sakey a pangulo a mamapawil ed sikara ed inkaaripen da ed Egipto. Balet manamirdona ka a Dios; mapangasi tan maaro ka, tan aliwa kan maipapasnuk. Alay kabaleg na ag mangoman a panangarom; ag mo ra inkaindan.

Saray Salmo 103:8

Maaro tan mapangasi so Katawan, aliwan maipapasnuk tan napno na ag mangoman a panangaro.

Saray Gawgawa 2:21

Tan nilaban so siopaman ya ontawag ed ngaray Katawan.’

Saray Salmo 145:18

Asingger ed amin da ray ontatawag ed sikato, saray tua so itatawag dad sikato.

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

Saray Salmo 25:8

Matonung tan maung so Katawan, kanyan ibabangat tod saray makasalanan so dalan a nepeg dan tombuken.

Saray Salmo 130:7

Israel, manmatalek kad Katawan, ta ag mangomay panangaro to tan sipaparaan lawas a mangilaban.

Juan 4:10

Inmebat si Jesus, “No amtam labat so iter na Dios tan no kabat mo no siopay mikekerew ed sika na inomen, miala kad sikato angangko et itdan to kay mabilay a danum.”

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Daniel 9:9

Mapangasi tan manamirdona ka, anggaman a sinmumpa kamid sika.

Ezekiel 36:37

Say Katawan a Dios kuanto, “Abuloyan ko lamet iray Israelita ya onkerew irad siak na tulong, tan parakelen koy bilang da a singa poluk na karniro.

Ezekiel 36:33

Say Katawan a Dios kuanto, “No alinisan ta kayo lad saray kasalanan yo, panayamen ta kayo lamet ed saray siudad yo tan paapiger kod sikayo iray aderal-deral.

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Saray Salmo 119:68

Agaylay kamaungan mo tan panangasim! Ibangat mo pad siak iray ganggan mo.

Jonas 4:2

Kanyan nampikasi, “Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Saray Salmo 130:4

Balet pipirdonaen mo kami, kanyan nepeg mi kan igalang.

Saray Salmo 69:16

Ebatan mo ak pa, O Katawan, lapud kaabigay ag mangoman a panangarom; lingaw mo ak pa, lapud baleg a panangasim!

Saray Salmo 36:7

Mablin tuloy, O Dios, so ag mangoman a panangarom! Niyaagel kamid silong na saray payak mo.

TAGA-EFESO 2:4

Balet ag nasabsabaan so panangasiy Dios tan ontan lay kabaleg na panangaro tod sikatayo.

Saray Salmo 52:1

O toon makapanyari, akin et ilalastug moy kaogsan mo? Anggad angga so inkatoor na Dios.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 69:14

Agwat mo ak pad pitek pian ag ak onlereg; iyagel mo ak pad saray kalaban ko, tan ipaliis mo ak pad aralem a danum.

Saray Salmo 103:3

Papaandien ton amin iray kasalanan ko tan papaabigen ton amin iray sakit ko.