Saray Salmo 84:7 - Maung A Balita Biblia

⁷ Diad panaakar da lalon ombibiskeg ira; nanengneng dad Sion so Dios da ray diriyos!

Maung a Balita Biblia

⁷ Diad panaakar da lalon ombibiskeg ira; nanengneng dad Sion so Dios da ray diriyos!

Saray Salmo 84:7 Referans Kwoze

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

Say Libro nen Job 17:9

Saray ipapasen day sikaran dili a maptek laloy panisia ra a sikaray duga.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

Saray Salmo 43:3

Ibakim pay liwawam tan say katwaan mo; iwanwan da ak komun tan ipawil da ak ed Sion a masanton palandey mo, tan diad Timplom a panaayaman mo!

Deuteronomio 16:16

“Amin da ray lalakin totood bansa yo et nepeg ya onla ran mamitlod sakey taon ed samay pasen a panangigalangan ta igalang day Katawan: no Paskua, no Pista na Panagani, tan no Pista na saray Abung-abung. Balang sakey a laki et nepeg a mangawit na nayarian ton iter a rigalo

Juan 14:3

Kayariy iyakar ko tan pangiparaan koy panayaman yo, ompawil ak dia, tan awiten ta kayo pian manayam kayo ed kawalaan ko.

Juan 1:16

Diad inkapno toy aro, pinalangkapan to itayon amin na ag nasabsabaan a kaabigan.

Saray Salmo 42:2

Pampilpilalekan ta ka, say Dios a mabilay. Kapigay pakaonlak ed arap mo a mangigalang ed sika?

Juan 15:2

Ekalen toy balang sangan ag mambunga tan palinan to so sangan mambubunga, pian lalon ondakel so bunga to.

Jeremias 31:6

On, onsabiy agew a saray managbantay ikolyaot dad toktok na kapokdulan na Efraim, ‘Ontatdang itayod Sion, diad Katawan a Dios tayo.’”

1 TESALONICA 4:17

Insan sikatayon mabilay naala itayon mitipon ed sikara diad kaloreman, tan onabet itayod Katawan diad liwang. Diad ontan, kaiba tayo lawas so Katawan.

Juan 6:39

Et saya so linawa na angibakid siak: ag kon balut paolyan a nabalang iray totoon inter na Ama ed siak, no ag ingen paolien ko rad bilay diad kaonuran ya agew.

Zacarias 14:16

Insan amin da ray akapaliis ed patey a taga rad saray bansa a dinmodogpa ed Jerusalem, et onla rad man a tinaon a mangigalang ed Katawan a Makapanyarin-amin ya ari tan silibraan day Pista na Abung-abung.

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

Lucas 2:24

Wala met so imbagat da, onung ed ganggay Katawan: “Sankaparis a palekpek o duaran sibong na malapati.”

Saray Salmo 122:2

Et natan wadya kami la, manalalagey ed loob na saray puirta na Jerusalem!

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Ezekiel 34:26

“Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.