Saray Salmo 83:4 - Maung A Balita Biblia

⁴ Kuanda, “Gali dia, deralen tayoy bansa ra, pian nalingwanan lan andi-anggaan so Israel.”

Maung a Balita Biblia

⁴ Kuanda, Gali dia, deralen tayoy bansa ra, pian nalingwanan lan andi-anggaan so Israel.

Saray Salmo 83:4 Referans Kwoze

Jeremias 11:19

Singa ak mauyuyamon kordiro a tetengtengen ed panagpateyan, tan ag ko amtad saman a mamplaplano ray maoges a bengatla. Inkukuanda, “Ibatang tayoy kiew legan a mabona-bona ni; pateyen tayo pian anggapo lay makanunot ed sikato.”

Jeremias 48:2

naandi lay kagalangan nen Moab. Adakep na saray kalaban so Hesbon tan mankokomplut iran maneral ed bansa na Moab. Ag makaesel so baley na Madmen; onsulong iray sondalo sumpad sayan baley.

Saray Salmo 74:8

Nampapaknaan dan sigput da kamin deralen; pinoolan dan amin iray masanton pasen ed bansa.

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Exodo 1:10

Gawaen tayoy kasiliban a pamatonda na idadakel da, ta no walay onsabi-sabin bakal, ag la pigan migampi rad saray kalaban tayo. Onlaban irad satan ed sikatayo, insan da taynan so bansa tayo.”

Jeremias 31:36

Isisipan to a legan a mansiansiay gendat ya oksuy na sansinakoban, mansiansian sakey a bansa so Israel.

Probirbio 1:12

Nayarin mabilabilay tan mabisbiskeg ira no narumog tayo ra, balet kasiput tayo naoyus lay bilay da!

Saray Gawgawa 4:17

Balet pian ag la ombuyak yan balita, sebelan ti ran mansalitad anggan siopa na nipaakar ed ngaran nen Jesus.”

Josue 9:2

Nanmomoyung ira yan amin a mibakal ed kinen Josue tan saray Israelita.

Nehemias 4:2

Diad arap na saray kakaiba to tan saray sondalo na Samaria inkuanto, “Antoy linmad olo na saray pangaskasiyan a Judio? Labay dan ipaalagey lamet so siudad? Abaloan da kasi a diad pangibagat da nasumpal da so kimey ed sanagew? Nayarian da kasin gawaen a bato ira may bunton na atemek-temek tan apool-poolan a bengatla?”

Ezekiel 38:10

Sikato yay kuan na Katawan a Dios ed kinen Gog: “No onsabiy tan a panaon igapom so mannunot na sakey a maoges a plano.