Saray Salmo 80:9 - Maung A Balita Biblia

⁹ Pinalinan moy sakey a pasen a tobuan to; inmaralem iray lamut to tan kinmayamkam ed intiron dalin.

Maung a Balita Biblia

⁹ Pinalinan moy sakey a pasen a tobuan to; inmaralem iray lamut to tan kinmayamkam ed intiron dalin.

Saray Salmo 80:9 Referans Kwoze

Josue 24:12

Nen ondodogpa kayo ginewgew ko ra pian napabatik ko ray duaran arari na saray Amorreo. Anggapoy pibabalid saya na saray ispada tan saray pana yo.

Isaias 27:6

Diad saray agew ya onsabi saray totood Israel a kabyangan iray boleg nen Jacob et manlamut iran singa kiew, insan ira manrosas tan mansimit. Say sankamundoan napano na bunga ra.

Jeremias 12:2

Itatanem mo ra, tan manlalamut ira; ontutubo ra tan mambubunga ra. Maung lawas so sasalitaen da nipaakar ed sika, balet say katwaan to arawi kad puso ra.

Isaias 37:31

Saray mansiansian mabilay a taga Juda onaligwas iran singa saray tanaman a manlamut na aralem, insan ira mambunga.

Saray Salmo 105:44

Inter tod sikaray dalin na saray taga arum a bansa tan impakayaryan tod sikara so kaalogan da,

1 Saray Awaran 21:5

Imbaga tod Ari David so abilang to: diad Israel sakey milyon tan sanlasus libo a lalaki so nayarin mansondalo, tan diad Juda apat a lasus tan pitomplon libo a lalaki so nayarin mansondalo.

1 Saray Arari 4:25

Legan ton nambilay, arawid kaatapan iray totood Juda tan Israel; balang pamilya wala ray tanaman ton ubas tan kakiewan ya igos.

1 Saray Arari 4:20

Singa la karakel na buer ed gilig na dayat so karakel na saray totood Juda tan Israel. Daakan so kakanen tan iinomen da; maliket so panagbilay da.

2 Samuel 7:10

Amili ak na sakey a pasen a para saray totook ya Israel tan impanayam ko rad man ya ag la ra nasigensigen. Nanlapu lad inloob dad sayan dalin, dinodogpaan ira na maruksan totoo, balet ag la ya nagawad sikara. Isipan kon iyagel ta kad saray kalaban mo, tan parakelen ko ray kabyangay boleg mo.

Saray Salmo 44:3

Saray totoom ag da sinamsam so dalin diad panamegley na saray ispada ra; ag da dinakep diad panamegley na dilin pakayari ra. Sinamsam da diad panamegley na dilin pakayarim tan biskeg mo, diad panamegley na kiwawalam ed pegley da, ya angipanengneng ya inarom ira.

Isaias 5:2

Binukalkal to may dalin tan inekalan to na bato; tinaneman to na sankaabigan iran wakal na ubas. Angipaalagey na tori a panagbantayan, insan angotkot na abut a panaggatinan na ubas. Inalagar ton aloto ray bungay ubas, balet anakseng iran amin.

Isaias 27:2

Diad satan ya agew say Katawan ikuantoy nipaakar ed marakep a kaubasan to,

Jeremias 2:21

Intanem ta kan singa pinilin wakal na ubas, singa sankaabigan a bini. Balet nengneng mo no antoy nansumpalan mo! Nagmaliw kan aboluk tan andi-kakanaan a wakal na ubas.