Saray Salmo 78:69 - Maung A Balita Biblia

⁶⁹ Diman to impaalagey so Timplo to a kaparparay abung tod tawen; inletneg to na malmalet a singa say mundo, kanyan mansiansian anggad angga.

Maung a Balita Biblia

⁶⁹ Diman to impaalagey so Timplo to a kaparparay abung tod tawen; inletneg to na malmalet a singa say mundo, kanyan mansiansian anggad angga.

Saray Salmo 78:69 Referans Kwoze

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Isaias 51:6

Tangay kad katawenan; nengneng kad mundo! Naandipat a singa asewek so katawenan; nabuyak a singa daan a kawes so mundo, tan ompatey a singa apangat iray totoo to. Balet mansiansia so kilalaban ya iter ko, ag mangangga so pananalok.

Isaias 48:13

Inlira na limak so pundasion na mundo tan impanat koy katawenan. No tawagen ko ray mundo tan saray katawenan, ondago ran tampol tan iparontal day sikaran dili.

Saray Salmo 104:5

Malet so impangiletneg mod mundo diad saray pundasion to, et ag balut nagalaw.

Saray Salmo 102:25

abayag lan pinalsam so mundo, tan saray dilin limam so nanggawad katawenan.

Say Libro nen Job 26:7

Impanat na Dios so baybay a tawen, tan imbitin tod liwang so mundo.

2 Saray Awaran 3:4

Say kuarton lolooban et samploran mitro a kaparay kaawang na Timplo, tan anemaplon mitro so kaatagey to. Inokupan na puron balituk so dalem na kuarto.

2 Saray Awaran 2:9

ed pangiparaan na amayamay a tabla, lapud balbaleg tan nidoma-domay dakep a timplo so ipaalagey ko.

1 Saray Awaran 29:19

Itdan mo pay anak kon Solomon na impapuson pilalek a mangonur na amin a ganggan tan bilin mo, pian nipaalagey to so Timplo a saray onkana et imparaan ko la.”

1 Saray Awaran 29:1

Inkuanen David ed amin da ray totoon nantitipon, “Si Solomon ya anak ko so pinili na Dios, balet malangwer ni tan daiset niy asalsali tod panagbilay. Baleg a tuloy so kimey a gawaen, ta aliwa yan palasio na saray totoo, no ag ingen sakey a Timplon para Katawan a Dios.

1 Saray Arari 9:8

Bontun na saray deral-deral so pagmaliwan na sayan Timplo, tan nabiglaan tan nikelawan so siopaman ya ondalan. Tepetan da, ‘Akin et ginawa na Katawan so onya ed sayan dalin tan diad sayan Timplo?’

1 Samuel 2:8

Agwaten tod dabuk iray mairap-bilay, tan aonen tod kairapan iray pangaskasiyan. Gawaen to ran kakaiba na saray prinsipi, tan iyakar to rad saray pasen na kagalangan. Kayaryan na Katawan iray punda-sion na mundo; diad saraya so angiletnegan toy mundo.

Saray Salmo 87:1

Inletneg na Katawan so siudad to diad tapew na masanton palandey;