Saray Salmo 78:5 - Maung A Balita Biblia

⁵ Angiter na saray ganggan ed saray totood Israel, tan diad saray kabyangay boleg nen Jacob. Binilin to ray lalaki tayo ya ibangat dad saray anak da iray ganggan to,

Maung a Balita Biblia

⁵ Angiter na saray ganggan ed saray totood Israel, tan diad saray kabyangay boleg nen Jacob. Binilin to ray lalaki tayo ya ibangat dad saray anak da iray ganggan to,

Saray Salmo 78:5 Referans Kwoze

Deuteronomio 6:7

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

TAGA-EFESO 6:4

Atateng, apiger yoy kagagawa yod anak yo pian ag yo ra napampasnuk. Ingen, pabaleg yo ra onung ed panagdisiplina tan panamilin na Katawan.

Saray Salmo 81:5

Ingganggan to ya ed saray totood Israel nen dinogpaan toy dalin na Egipto. Narerengel koy bosis ya ag ko kabat a kuanto,

Deuteronomio 4:45

Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Isaias 38:19

Saray mabilay so mangidadayew ed sika, A singa pangidadayew kod sika natan. Ibaga na saray kaamaan ed saray anak da so ontan lan inkatoor mo.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Deuteronomio 11:19

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Saray Taga Roma 3:2

Talagan dakel! Onona, saray Judio so angipiaan na salitay Dios.

Saray Salmo 147:19

Ibabaga tod saray totoo to so salita to; ipapaamta tod Israel iray bilin tan ganggan to.

Saray Salmo 19:7

Ayadyari so ganggan na Katawan; papasimbaloen toy biskeg na too. Napanmatalkan iray ganggan na Katawan; mangiiter ira na kakabatan ed saray anggapoy amta.

Exodo 40:3

Iyan mod loob to so Kaban na Sipanan a nankarga na Samploran Ganggan tan ibitin mo so kurtina ed arap to.

Exodo 25:21

Ikargam ed dalem na Kaban iray duaran tapyak a bato tan iyan moy sakub ed tapew to.

Saray Salmo 119:152

Abayag lay impakaaral kod saray bilibilin mo; ginawam iran mansiansia ya anggad angga.

Exodo 25:16

Insan mo ikargad dalem na Kaban iray duaran baton tapyak ya akaitatakan na saray ganggan.

Exodo 40:20

Insan to inala ra may duaran tapyak a bato tan inyan to rad dalem na Kaban na Sipanan. Insorub tod saray liken na Kaban iray tiken tan inlira tod tapew na Kaban imay sakub.

Exodo 12:27

ebatan yo ra, ‘Sikatoy bagat na Paskua a pamagalang ed Katawan, ta nilabsanan to ray kaabungan na saray Israelita nen wala rad Egipto. Pinatey to ray Egipsio, balet ag to kami pinatey.’” Tinmuek iray Israelita tan inggalang day Katawan.

Deuteronomio 31:13

Diad onya narengel na saray kabyangay boleg yon ag da nin balut arengel so Ganggan na Katawan a Dios yo. Naaralan dad satan so ontoluk ed sikato legan dan manayam ed dalin a ngalngali yo la panayaman diad nibaliw na Jordan.”

Deuteronomio 32:46

inkuanto, “Pampelengan yon onuren iray ganggan ya inter kod sikayo natad sayan agew. Ibangat yo ra ed saray anak yo, pian matoor da met ya onuren iray amin a bangat na Dios.