Saray Salmo 78:15 - Maung A Balita Biblia

¹⁵ Pinasangi to ray baton-dampay diad kalawakan, tan initdan to ray daakan a danum a nanlapud dalem na dalin.

Maung a Balita Biblia

¹⁵ Pinasangi to ray baton-dampay diad kalawakan, tan initdan to ray daakan a danum a nanlapud dalem na dalin.

Saray Salmo 78:15 Referans Kwoze

Saray Salmo 105:41

Nilokasan toy sakey a baton-dampay, et tinmuroy danum; singa ilog ya inmagos ed kalawakan.

Saray Bilang 20:11

Insan inyatagey nen Moises imay baston tan pinekpek ton amidua imay baton dampay, et pinmaway so manwawan sobul na danum. Inmiinom iray amin a totoo tan amin ya ayayep.

Exodo 17:6

Manalagey ak ed arap mo diad tapew na sakey a baton-dampay ed palandey na Sinai. Pekpek mo so baton-dampay, et ompaway diman so danum ya inomen na saray totoo.” Ginawa nen Moises imay imbaga na Katawan diad arapan na saramay pangulo na Israel.

1 CORINTO 10:4

inminom ira na namparan maispiritu ya iinomen. Inminom ira ed maispiritun bato ya angolup ed sikara, tan sayan baton-dampay et si Cristo.

Saray Salmo 114:8

say Dios a gagawaen ton danum iray baton dampay, tan managos a sobul iray baton kalipkip.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Isaias 48:21

Nen inwanwan na Katawan ed kalawakan iray totoo to, ag da asaliy napgaan. Pinapaway ton para sikara so danum ed baton-dampay; nilengat toy baton-dampay, et inmagos so danum.

Isaias 43:20

Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Isaias 41:18

Saray ilog paagosen kod saray kapokdulan ya anggapoy tanaman tan paagosen kod saray patar iray sobul. Pagmaliwen kon dipositoy danum so kalawakan; pagmaliwen kon managagos a danum so amagan dalin.