Saray Salmo 77:9 - Maung A Balita Biblia

⁹ Alingwanan la na Dios kasi so mangasi? Ag la kasi mangasi lapud pasnuk to?”

Maung a Balita Biblia

⁹ Alingwanan la na Dios kasi so mangasi? Ag la kasi mangasi lapud pasnuk to?

Saray Salmo 77:9 Referans Kwoze

Saray Salmo 40:11

Katawan, amtak ya ag mon balut tondaan so pangakasim ed siak! Say ag mangoman a panangarom tan say katooran mo et iyarawi da ak lawas ed kaatapan.

1 Juan 3:17

No mayaman so sakey a too tan sankanengneng ton maniirap so agi to et ag to kasian a tulongan, panoy pangibaga ton inaro toy Dios?

Saray Taga Roma 11:32

Ta say Dios inabuloyan toy amin a katoowan a magmaliw iran aripey kasalanan, pian nipanengneng toy panangasi tod sikaran amin.

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Isaias 40:27

Totood Israel, akin et manririklamo kayo ya ibabaga yon ag amta na Katawan iray gunigon yo odino anggapoy walad sikato no nalalames kayo?

Saray Salmo 51:1

Kasian mo ak pa, O Dios, lapud ag mangoman a panangarom; ponasan mo pa ray kasalanan ko, lapud daakan a panangasim!

Saray Salmo 25:6

Katawan, nunot mo pay panangasim tan say ag mangoman a panangarom ya abayag mo lan impanengneng.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.