Saray Salmo 77:19 - Maung A Balita Biblia

¹⁹ Nanakar kad saray daluyon; binaliw moy aralem a dayat, balet ag nanengneng iray bakat na salim.

Maung a Balita Biblia

¹⁹ Nanakar kad saray daluyon; binaliw moy aralem a dayat, balet ag nanengneng iray bakat na salim.

Saray Salmo 77:19 Referans Kwoze

Exodo 14:28

Pinmawil so danum tan tinabunan to ra may karwahi, saramay kutsiro, tan amin da ra may Egipsion inmosil ed saray Israelita ya anggad dayat; anggapoy atilak ed sikara anggan sakey.

Habacuc 3:15

Impagatin-gatinan mod saray kabayom so dayat, et binmora-bora so mabiskeg a danum.

Saray Salmo 29:10

Ooleyan na Katawan iray danudanum; manari ya anggad angga.

Nehemias 9:11

Benelsay mo so dayat para saray totoom insan mo ra impanakar ed pinamagam a dayat. Impalner mod aralem a danum iray angosil ed sikara; singa ra baton linmereg ed madaluyon a dayat.

Saray Taga Roma 11:33

Agaylay karakel so kayamanay Dios! Ag natokur so kakabatan tan pakatalus to! Ag natalusan iray panagsintinsia tan kagagawa to!

Saray Salmo 97:2

Aliber na saray lorem tan kabilongetan so Katawan; maptek tan matonung so panooley to.

Exodo 19:18

Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

2 Samuel 22:8

Insan ginmiwgiw tan yinmegyeg so dalin; ginmalaw tan ayegyeg iray pundasion na katawenan, ta amasnuk so Dios!

Say Libro nen Job 23:14

Sumpalen toy getma to nipaakar ed siak; sayan getma to et sakey ed saray amayamay a getma to.

Say Libro nen Job 36:29

Anggapoy makapikabat no panoy panaakar na saray lorem, tan no panoy idadalagorug na karul ed tawen a panaayaman na Dios.

Saray Salmo 97:4

Say kirmat to liliwawaan toy mundo; nanenengneng na mundo, et manggiwgiw.

Saray Salmo 104:32

Onnenengneng ed dalin so Katawan, et onggigiwgiw; didiwiten to ray kapalandeyan, et onaasewek ira.