Saray Salmo 77:14 - Maung A Balita Biblia

¹⁴ Sika so Dios a manggagawa na saray milagro; impapanengneng moy pakayarim ed saray bansa.

Maung a Balita Biblia

¹⁴ Sika so Dios a manggagawa na saray milagro; impapanengneng moy pakayarim ed saray bansa.

Saray Salmo 77:14 Referans Kwoze

Saray Salmo 136:4

Sikato labat so manggagawad saray ankakabaleg a milagro; andi-anggaan so panangaro to.

Daniel 6:27

Sikato so mangilalaban tan mangyaagel; manggagawa na saray milagro tan saray pakelaw diad tawen tan diad dalin. Inyagel toy Daniel ed pamatey na saray lion.”

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Saray Salmo 72:18

Idayew yoy Katawan, say Dios na Israel! Sikato labat so manggagawa na sarayan makapakelkelaw a bengatla.

Exodo 13:14

Diad arapen a panaon, no tepeten na saray anak yo so kabaliksan na sayan gawaen yo, onya so iyebat yo; ‘Diad panamegley na baleg a pakayari na Katawan, impaway to kamid Egipto, say pasen ya akaaripenan mi.

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!

Exodo 15:6

“Say kawanan a limam, O Katawan, et walaan na makapakebyew a pakayari; bingbingkasen to ray kalaban.

Daniel 3:29

“Et natan, igaganggan ko a tegtegtegen so laman na siopaman a taga dinanman a bansa, anggan antoy kolor na baog to tan salita to, a mansalitay sumpad Dios di Sadrac, Mesac, tan Abednego. Gawaen a bontun na deral-deral so abung to. Anggapoy arum a dios a makapangyagel na onya.”

Isaias 52:10

Ikana na Katawan so masanton pakayari to; ilaban to ray totoo to, tan nanengneng ya na sankamundoan.

Saray Salmo 106:8

Anggaman ontan, inlaban to ra, onung ed insipan to, pian nipanengneng toy baleg a pakayari to.

Saray Salmo 86:10

Sikay makapanyari tan manggagawa ka ray pakelaw; bukor mo so Dios.

Saray Salmo 105:5

Sikayo ran kabyangay boleg nen Abraham ya aripen na Katawan, sikayo ran kabyangay boleg nen Jacob a pinili na Katawan, nunot yo ray makapakelkelaw a milagron ginagawa to, tan saray sintinsian iniiter to.

Saray Salmo 68:25

Walad arap iray kumakanta, walad beneg iray musiko, tan walad nanleetan da iray mamarikit a mantotogtog na saray pandirita.