Saray Salmo 77:13 - Maung A Balita Biblia

¹³ Masanton amin iray gagawaen mo, O Dios! Anggapoy dios a miparad inkatalonggaring mo!

Maung a Balita Biblia

¹³ Masanton amin iray gagawaen mo, O Dios! Anggapoy dios a miparad inkatalonggaring mo!

Saray Salmo 77:13 Referans Kwoze

Saray Salmo 73:17

anggad linmoob ak ed Timplom. Atalusan kod satan no antoy pansumpalan da ray totoon maoges.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Isaias 40:25

Siopay nayarin pangiparaan ed Dios? Walay siopaman a singa sikato?

Deuteronomio 32:31

Amta na saray kalaban da a makapoy iray dilin diriyos da, ag da naaligan so makapanyarin Dios na Israel.

Saray Salmo 63:2

Nanengneng ta ka komun ed santuario; ipanengneng mo pad siak so ontan lan pakayarim tan kagalangan mo.

Saray Salmo 27:4

Saksakey so kinerew kod Katawan; saksakey so pampipilalekan kon nagamuran: say panayam kod abung na Katawan legay bilay ko, pian nanengneng kod may kaabigan to, tan nakerew ko so panangiwanwan to.

Isaias 46:5

“Siopay pangiparaan yod siak?” kuay Katawan. “Wala niy arum a singa siak?

Isaias 40:18

Siopay nayarin pangiparaan ed Dios? Antoy kapara to?

Saray Salmo 86:8

Anggapod saray diriyos so miparad sika, Katawan, anggapoy siopaman a makagawa ed saray ginawam.

Saray Salmo 71:19

O Dios, sabien na inkatonung mo so katawenan. Matalonggaring iray ginagawam; Siopay miparad sika?

Saray Salmo 68:25

Walad arap iray kumakanta, walad beneg iray musiko, tan walad nanleetan da iray mamarikit a mantotogtog na saray pandirita.

Saray Salmo 105:2

Kantaan yoy dayew so Katawan; ibelyaw yoy amin a makapakelkelaw iran gawgawa to.

Saray Salmo 119:27

Tulongan mo ak pa, pian natalusan ko ray ganggan mo, et dalepdepen ko ray makapakelaw a bangabangat mo.