Saray Salmo 74:18 - Maung A Balita Biblia

¹⁸ Balet, Katawan, nunot mo a babalawen da ka na saray kalaban mo; totoo ran anggapoy Dios tan lelemlemewen da ka.

Maung a Balita Biblia

¹⁸ Balet, Katawan, nunot mo a babalawen da ka na saray kalaban mo; totoo ran anggapoy Dios tan lelemlemewen da ka.

Saray Salmo 74:18 Referans Kwoze

Saray Salmo 39:8

Ilaban mo ak pad amin da ray kasalanan ko, tan ag mo pa iyaabuloy a ludlureyen ak na saray totoon makulang-kulang.

Puyan 16:19

Nankatlon apisag so makapanyarin siudad, tan nagnagba ray amin a siudad ed intiron mundo. Ag akaliktar ed dusay Dios so makapanyarin Babilonia. Anunotan na Dios so Babilonia, tan pinainom to na alak, say alak na ontan lan pasnuk to.

Deuteronomio 32:6

Onya so labay yon ibales ed Katawan, sikayon totoon makulang-kulang tan anggapoy liknaan? Sikato so ama yo ya amalsad sikayo, inletneg to kayo a sakey a bansa.

Ezekiel 20:14

Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.

Saray Salmo 137:7

Nunot mo pa, Katawan, so ginagawa da ray Edomita, nen agew ya adakep so Jerusalem. Nunot mo may imbabagbaga ra, “Geba yo ya anggad pundasion to!”

Saray Salmo 74:22

Talindeg ka pa, O Dios, tan iyagel moy katonungan mo! Nunot mo a saray totoon anggapoy Dios et babalawen da ka lawas.

Saray Salmo 41:1

Maliket iray totoon maaro ed saray mairap-bilay; tulongan ira na Katawan no nagugunigon ira.

Deuteronomio 32:27

Balet ag ko nayarin iyabuloy a mampasirayew iray kalaban da diad pangibaga ran tinalo da ray totook, anta siak a dili so amatalod sikara.’

2 Saray Arari 19:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to may nansalita. Kanyan ipikasim pad Dios iray nakdaan a totoo tayo.”

2 Saray Awaran 32:19

Diad panagsalita ra impara ray Dios na Jerusalem ed saray diriyos na arum a totoo, saray talintaoy diriyos a ginagawa na limay too.

Saray Tagleey 5:1

Nudnunot mo pay asumpalan mi, O Katawan. Nengneng mo kami pa, tan imanom so inkaplag mid kababaingan.

Ezekiel 35:13

Nadngel koy mapalalon mapaatagey ya impansasalitam sumpad siak.”