Saray Salmo 74:1 - Maung A Balita Biblia

¹ O Dios, akin et onyay impangikaindan mod sikami? Ag manganggay pasnuk mod saray dilin totoom?

Maung a Balita Biblia

¹ O Dios, akin et onyay impangikaindan mod sikami? Ag manganggay pasnuk mod saray dilin totoom?

Saray Salmo 74:1 Referans Kwoze

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

Saray Salmo 79:13

Insan sikami ran totoom, saray karniro na poluk mo, anggad anggan misalamat kamid sika tan idayew mi kad amin a panaon ya onsabi.

Saray Salmo 95:7

Sikatoy Dios tayo; sikatayoy totoon aasikasoen to, saray karniron tataganoen to. Diad sayan agew, dengel yoy ibabaga to:

Saray Salmo 44:9

Balet, natan, impolisay tan impatalo mo kami; ag mo la oolupen iray sondalo mi.

Lucas 12:32

“Ag kayo natatakot, sikayon pigaran papastolan ko, ta maliket so Ama yon mangiter ed sikayo na Panarian.

Ezekiel 34:31

“Sikayo ran karnirok, say poluk a papakanen ko, et sikayo ray totook, tan siak so Dios yo,” kuay Katawan a Dios.

Jeremias 31:37

No nasukat so tawen, tan nasokait iray pundasion na mundo, ipolisay tod satan iray totood Israel, lapud amin a ginagawa ra. Say Katawan so nansalita.

Jeremias 23:1

Makapataktakot so isintinsia na Dios ed saray manoley a manederal tan mangikakayat ed saray totoo to.

Saray Salmo 79:5

Katawan, ag la mangangga so pasnuk mod sikami? Mansiansian mandarlang a singa apoy so pasnuk mo?

Saray Salmo 77:7

“Say Katawan lawas to itayo la kasin ipolisay? Ag to itayo la kasi pakaliketan?

Saray Salmo 42:11

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Ezekiel 34:8

Andi-duaruwa a siak so mabilay a Dios; dinmengel kayo komun ed siak. Dinogpaan, pinatey tan binuag na saray ayayep ed katakelan iray karnirok lapud anggapoy mampastol ed sikara. Saray pumapastol ko et ag da inanap iray karnirok. Say laman dan dili so inaasikaso ra, aliwan saray karniro.

Saray Salmo 78:1

Sikayo ran totook, dengel kayod bangat ko, tan imano yo ray ibabagak.

Saray Salmo 60:10

Peteg ya impolisay mo kami la? Ag ka la miolup ed saray sondalo mi?

Saray Salmo 60:1

Inkaindan mo kami, O Dios, tan tinalo mo kami; nampasnukan mo kami—balet natan, pawil ka pa lad sikami!

Saray Salmo 42:9

Ibabagak ed Dios a manangyagel ko, “Akin et nilingwanan mo ak? Akin et siansiay paniirap ko lapud inkaruksa da ray kalaban ko?”

Saray Salmo 18:8

Pinmaway so asewek ed eleng to, pinmaway so manliub ya apoy tan mandarlang a ngalab ed sangi to.

Saray Salmo 10:1

Katawan, akin et arawdawi ka? Akin et onaamut ka no nagugunigon kami?

Exodo 32:11

Balet si Moises akikasi ed Katawan a Dios to tan kuanto, “Katawan, akin et mapalaloy pasnuk mod saray totoom ya impaway mod Egipto diad panamegley na baleg a pakayarim tan biskeg mo?

2 Saray Arari 21:14

Ikaindan ko ray totoon nakdaan a mabilay, insan iyawat ko rad saray kalaban dan manakep ed sikara tan maneral ed dalin da.

Saray Salmo 50:1

Mansasalitay Katawan, say Dios a Makapanyari; tatawagen toy intiron mundo, manlapud bokig ya anggad sagur.

Saray Salmo 77:8

Tinmonda la kasin mangarod sikatayo? Anggapo la kasiy kana na sipan to?

Saray Salmo 80:5

Ermen so inter mon kanen mi, tan ontan lay karakel na luan inter mon inomen mi.

Saray Salmo 85:6

Pasimbalom pay biskeg mi, pian sikamin totoom et idayew mi ka.

Isaias 64:8

Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

Saray Tagleey 5:22

Odino andi-anggaan lay impangikaindan mod sikami? Ag la manganggay pasnuk mod sikami?