Saray Salmo 73:4 - Maung A Balita Biblia

⁴ Anggapoy ansakit a likliknaen da ra yan totoo; maksil tan mabiskeg so kalamanan da.

Maung a Balita Biblia

⁴ Anggapoy ansakit a likliknaen da ra yan totoo; maksil tan mabiskeg so kalamanan da.

Saray Salmo 73:4 Referans Kwoze

Lucas 16:22

Inatey si Lazaro, tan inawit ed tawen na saray anghil, diad diking nen Abraham. Inatey met imay mayaman, tan nipompon.

Ecclesiastes 2:16

Anggapoy makakanunot ed saray makabat, anggapo met so makakanunot ed saray makulang-kulang. Diad arapen iran agew, nalingwanan itayon amin. Ompatey ya amin iray katoowan, makabat may makulang-kulang.

Saray Salmo 17:14

iyagel mo ak pad saray totoon walad sikaray amin a labay da diad sayan bilay. Dusam pa ra diad panamegley na saray kairapan ya intaryam ed sikara; nawalaan komun na dakerakel a kairapan iray anak da, tan wala ni komuy nakeraan a para saray apo ra!

Saray Salmo 17:10

anggapoy panangasi ra tan mapasirayew iran mansasalita.

Say Libro nen Job 24:20

Anggapo lay makanunot ed sikato, anggan say dilin ina to; oputen na bigis so laman to tan sigput a naderal a singa atumban kiew.

Ecclesiastes 7:15

Legan na andi-kakanaan ya impanbilay ko anengneng koy amin a bengatla. Wala ray totoon matonung ya antikey so bilay da, balet wala ray maoges a totoo ya andokey so bilay da.

Say Libro nen Job 21:13

Maaligwas ira legay pambilay da, tan mareen ira no naoyus so linawa ra.

Jeremias 5:28

no akin et matataba ra tan maung so kapapakan da. Anggapoy anggaay panaggawa ray kaogsan; ag da iiter so katonungan da ray olilan sigput odino ipapanengneng so kaptekan ed saray napapairap.