Saray Salmo 73:27 - Maung A Balita Biblia

²⁷ Saray mangikakaindan ed sika et andi-saew ya ompatey ira; deralen mo ray aliwan matoor ed sika.

Maung a Balita Biblia

²⁷ Saray mangikakaindan ed sika et andi-saew ya ompatey ira; deralen mo ray aliwan matoor ed sika.

Saray Salmo 73:27 Referans Kwoze

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.

Saray Salmo 119:155

Ag nilaban iray totoon maoges, ta ag da oonuren iray ganggan mo.

Exodo 34:15

Ag kayo misisipanan ed saray totood bansan laen yo, ta no mangigalang irad diriyos da tan mangibagat irad sikara, bagaan da kayon mibiang ed sikara, et natukso kayod satan a mangan na kakanen ya ibabagat da ed saray diriyos da.

Saray Bilang 15:39

Saray palagoygoy et manangipanunot ira, ta kapag nanengneng yo ra nanunotan yo ray ganggan ko et onuren yo ra; diad satan ag yo ak ikaindan tan ag yo onuren iray labay tan pilalek yo.

Saray Salmo 106:39

Dinotakan day sikaran dili onung ed ganggan lapud saray gawgawa ra, tan aliwa ran matoor ed Dios.

Isaias 29:13

Inkuan na Katawan, “Igagalang da ak ira yan totoo diad panamegley na bibil da, balet arawdawid siak so puso ra. Say rilihion na sarayan totoo et say panagpatlep da labat ed saray abangonan tan saray totontonen ya impaakseb na too.

TAGA-EFESO 2:17

Linma diay Cristo tan impulong toy Maung a Balitan mangiiter na kareenan ed amin a katoowan—diad sikayo ran Hintil ya arawid Dios, tan diad saray Judio, ya asingger ed Dios.

TAGA-EFESO 2:13

Balet natan, lapud pikakasakey yod Cristo Jesus, sikayo ran gendat ya arawi, niasingger kayo la diad panamegley na dala to.

Jeremias 12:2

Itatanem mo ra, tan manlalamut ira; ontutubo ra tan mambubunga ra. Maung lawas so sasalitaen da nipaakar ed sika, balet say katwaan to arawi kad puso ra.

1 Saray Awaran 10:13

Inatey si Saul lapud aliwan matoor ed Katawan. Ag to inonur iray ganggan na Katawan; sinali toy kinmerew na pangiwanwan ed saray ispiritu na inaatey

Ester 9:30

Para amin da ray Judio yan sulat tan nipawit iray kopia ed amin da ray sanlasus tan duamplo tan piton luyag na Impirio na Persia. Nilogan ed sayan sulat a nawalaan komun na kareenan tan niarawid saray kaatapan iray Judio,

Jeremias 17:13

Katawan, sika so ilalo na Israel; nabaingan ya amin iray mangikaindan ed sika. Naandipat iran singa saray ngaran a nisulat ed dabuk, lapud inkaindan da ka, say Katawan, say sobul na ambetebetel a danum.