Saray Salmo 72:7 - Maung A Balita Biblia

⁷ Ombolaslas komuy katonungan anggad mambibilay ni so ari, tan manari komuy kareenan, anggad onliliwawa ni so bulan.

Maung a Balita Biblia

⁷ Ombolaslas komuy katonungan anggad mambibilay ni so ari, tan manari komuy kareenan, anggad onliliwawa ni so bulan.

Saray Salmo 72:7 Referans Kwoze

Isaias 2:4

Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Saray Salmo 92:12

Onsalumpapak a singa kiew a palmira iray matonung a totoo; ombaleg iran singa kiew a sidro na Libano.

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

Isaias 60:22

Anggan say sankamelagan tan sankamugmoan a pamilyam Magmaliw a singa matalonggaring a bansa. No onsabiy niganan panaon, Masiglat ko yan sumpalen. Siak so Katawan!”

Saray Gawgawa 4:32

Nankakasakey so kanunotan tan liknaan da ray amin a mananisia, tan anggapoy mangipapasen a kien ton bukor so kayaryan to, no ag ingen kien dan amin.

Lucas 1:33

Manarin andi-anggaan ed saray kabyangay boleg nen Jacob, tan anggapoy anggaan so panarian to!”

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Isaias 60:1

Bangon ka, Jerusalem, tan sinag kan singa agew; Onsisinag ed sikay kagalangan na Katawan!

1 Saray Arari 4:25

Legan ton nambilay, arawid kaatapan iray totood Juda tan Israel; balang pamilya wala ray tanaman ton ubas tan kakiewan ya igos.

1 Saray Arari 5:4

Balet, natan, initdan ak na Katawan a Dios ko na kareenan ed inerman a pasen a sakop na nanarian ko. Anggapo la ray kalaban ko tan anggapo lay kaatapan a nepeg kon takotan.

Zacarias 9:10

Say Katawan kuanto, “Ekalen kod Israel iray karwahin para bakal; ekalen kod Jerusalem iray kabayon para bakal; naderal iray panan inkakanad bakal. Say ari yo et mikaaro ed saray arum a bansa; manoley a manlapud sakey a dayat ya anggad sananey a dayat, manlapud Ilog na Eufrates ya anggad saray samput na dalin.”