Saray Salmo 72:2 - Maung A Balita Biblia

² pian maptek so panoley tod saray totoom, tan matonung so panoley tod saray napapairap.

Maung a Balita Biblia

² pian maptek so panoley tod saray totoom, tan matonung so panoley tod saray napapairap.

Saray Salmo 72:2 Referans Kwoze

Isaias 32:1

Onsabiy panaon a walay sakey ya arin manoley onung ed katonungan, tan wala ray pangulon ipakurang day kaptekan.

Puyan 19:11

Anengneng kod satay tawen ya alokasan, tan walay kabayon ampoti. Say akakabayo tatawagey Matoor tan Tua; matonung so panintinsia tan pibabakal to.

Isaias 32:17

Lapud say inkatonung so gawaen na balang sakey, mansiansiad dalin so kareenan tan niarawid kaatapan.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Say Libro nen Job 34:19

Pinalsa na Dios so balang sakey; ag to pipilaan iray manoley, odino kikilingan iray mayaman tan papaulyan iray mairap-bilay.

Jeremias 33:15

Diad satan a panaon mamili ak na sakey ya ari a kabyangay boleg nen David. Manoley ed intiron dalin onung na kaptekan tan katonungan.

2 Samuel 23:3

Nansalita so Dios na Israel; inkuan ed siak na manangyagel na Israel: “Say arin maptek so panooley to, tan manooley a walay takot ed Dios,

1 Saray Arari 3:28

Nen nadngelan na saray totood Israel yan impanintinsia nen Solomon, mapalaloy panamagalang dad sikato, ta amta ran initdan na Dios na kakabatan a mangiter na katonungan.

1 Saray Arari 10:9

Nadayew komun so Katawan a Dios mo! Diad impakaliket tod sika, ginawa to kan ari na Israel. Lapud andiangga so panangaro tod Israel, impagmaliw to kan ari ra pian napansiansiam so kaptekan tan katonungan.”

1 Saray Awaran 29:19

Itdan mo pay anak kon Solomon na impapuson pilalek a mangonur na amin a ganggan tan bilin mo, pian nipaalagey to so Timplo a saray onkana et imparaan ko la.”

Probirbio 29:14

No iyagel na ari iray kanepegan na saray mairap-bilay, andokey a panaon so panoley to.

Ezekiel 34:16

“Anapen ko ray abalang, papawilen ko ray akaarawi, berberen ko ray asugat, tan tambalen ko ray mansasakit; balet deralen ko ray mataba tan mabiskeg, ta siak so pumapastol a manggagaway kaptekan.