Saray Salmo 71:20 - Maung A Balita Biblia

²⁰ Initdan mo ak na saray amayamay a gunigon tan irirap, balet ipawil moy biskeg ko; ipaliis mo ak ed lobuk.

Maung a Balita Biblia

²⁰ Initdan mo ak na saray amayamay a gunigon tan irirap, balet ipawil moy biskeg ko; ipaliis mo ak ed lobuk.

Saray Salmo 71:20 Referans Kwoze

Saray Salmo 138:7

Anggan aliber ak na saray gunigon, iyaarawi mo ak ed kairapan; Susumlangen mo ray mamapasnuk a kalaban ko, tan ilalaban mo ak diad panamegley na pakayarim.

Saray Salmo 60:3

Impanirap mon mapalalo iray totoom; mandongilngil kamin singa abuek.

Saray Salmo 86:13

Agaylay kabaleg so ag mangoman a panangarom ed siak! Inlaban mo ak ed lobuk.

Saray Salmo 80:18

Ag mi ka lan balut ibeneg; pansiansia mo kami pan mabilay, et idayew mi ka.

Jonas 2:6

Linma ak ed kaoteotelan da ray kapalandeyan, diad dalin ya angga lad anggan akasara iray puirta to. Balet sika, Katawan a Dios, et inagwat mo ak a mabilay manlapud kaaralman.

Saray Salmo 119:25

Mandokdokul ak ed dabuk ta atalo ak; bangon mo ak pa, onung na insipan mo!

Saray Salmo 16:10

ta iyaagel mo ak ed pakayari na patey. Matoor a nanlilingkur ak ed sika, kanyan ag mo ak ikaindan ed pasen a panaayaman da ray inaatey.

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.

TAGA-EFESO 4:9

Antoy labay ya ibagay “inmatagey”? Say labay ton ibaga, inmabeban inmona ya anggad dalem na dalin.

Marcos 15:34

Diad alas tris, inmeyag si Jesus na makmaksil, “Eloi, Eloi, lema sabachthani?” a labay ton ibaga, “Dios ko, Dios ko, akin et inkaindan mo ak?”

Isaias 38:17

Say kapaitan na bilay ko et nasalatan na inawa. Iyaagel moy bilay ko ed amin a kaatapan; Pipirdonaen moy amin a kasalanan ko.

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Saray Salmo 85:6

Pasimbalom pay biskeg mi, pian sikamin totoom et idayew mi ka.

2 Samuel 12:11

Tandaan mo, dagdagen ko a manngunigon ed sika so sakey a kabyangay pamilyam. Naimatunan mo ya, no alaen ko ray asawam insan ko ra iter ed sakey a laki; akdulan to ra ya anggan agew.

Saray Gawgawa 2:24

Balet say Dios pinaoli tod bilay tan imbolus tod kairapan na patey, ta ag nayarin oleyan na pakayariy patey.

1 Samuel 2:6

Say Katawan mamatey tan mamabilay; ibaki tod pasen a panaayaman da ray inaatey iray totoo, tan agwaten to ra.

Saray Salmo 60:5

Ilaban mo kami pa diad panamegley na pakayarim; ebatan mo pay pikakasi mi, pian niagel iray totoon inarom.

Saray Salmo 95:4

Manooley ed intiron mundo, manlapud puseg na dalin ya anggad sankatageyan iran palandey.