Saray Salmo 71:19 - Maung A Balita Biblia

¹⁹ O Dios, sabien na inkatonung mo so katawenan. Matalonggaring iray ginagawam; Siopay miparad sika?

Maung a Balita Biblia

¹⁹ O Dios, sabien na inkatonung mo so katawenan. Matalonggaring iray ginagawam; Siopay miparad sika?

Saray Salmo 71:19 Referans Kwoze

Saray Salmo 35:10

Diad intiron pusok ibagak ed Katawan, “Anggapoy miparad sika, Iyaagel mo ray makapoy ed saray mabiskeg, saray mairap-bilay ed saray managpairap.”

Saray Salmo 57:10

Say ag mangoman a panangarom et sasabien to ray katawenan tan say inkatoor mo et gagawaten to ray lorem.

Isaias 55:9

No panoy kaatagey na saray katawenan ed mundo, ontan met so kaatagey na saray kagagawa tan saray kanunotan ko ed saray kagagawa tan saray kanunotan yo.

Lucas 1:49

lapud saray makapakelaw a bengatlan ginaway Makapanyarin Dios ed siak. Masanto so ngaran to;

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Isaias 40:25

Siopay nayarin pangiparaan ed Dios? Walay siopaman a singa sikato?

Isaias 40:18

Siopay nayarin pangiparaan ed Dios? Antoy kapara to?

Saray Salmo 86:8

Anggapod saray diriyos so miparad sika, Katawan, anggapoy siopaman a makagawa ed saray ginawam.

Saray Salmo 72:18

Idayew yoy Katawan, say Dios na Israel! Sikato labat so manggagawa na sarayan makapakelkelaw a bengatla.

Say Libro nen Job 5:9

Ag natalusan iray gagawaen ton makapakelaw a bengatla, tan andi-tonda iray gagawaen ton milagro.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Isaias 5:16

Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Probirbio 15:24

Saray totoon makabat mankukurang irad dalan a mamaarap ed bilay diad tagey, aliwan diad dalan a mamaarap ed pasen a panaayaman da ray inaatey diad leksab.

Saray Salmo 139:6

Aralem a tuloy so pakaamtam ed siak; ag ko nayarian a tokuren.

Probirbio 24:7

Saray balikas a napnoy kakabatan et ag ira natokur na toon makulang-kulang. Anggapoy nibaga to no ambelat lay pantotongtongan.

Deuteronomio 3:24

‘Amtak, O Katawan a Dios, ya impanengneng mod siak labat so gapo na saray baleg tan makapakelaw a bengatlan gawaen mo. Diad tawen odino diad dalin, anggapoy diyos-diyos a makagawa na saray makapakelaw a bengatlan ginagawam!

Saray Salmo 36:7

Mablin tuloy, O Dios, so ag mangoman a panangarom! Niyaagel kamid silong na saray payak mo.