Saray Salmo 7:15 - Maung A Balita Biblia

¹⁵ Balet sikaran diliy napelag ed abut ya impatit dad arum a totoo.

Maung a Balita Biblia

¹⁵ Balet sikaran diliy napelag ed abut ya impatit dad arum a totoo.

Saray Salmo 7:15 Referans Kwoze

Say Libro nen Job 4:8

Akanengneng ak na saray totoon mambababa ed alog na kaogsan tan mantatanem na bokel na kabaglan, et manaani ra natan na kaogsan tan kabaglan.

Saray Salmo 141:10

Napelag komun iray totoon maoges ed saray dilin patit da, balet makapaliis ak.

Probirbio 26:27

Saray totoon mamapatit ed kapara ran totoo et naeerel irad dilin patit da. Saray totoon mangipapatolin na bato et sikaray pawilan to.

Saray Salmo 10:2

Mapaatagey iray totoon maoges tan papairapen da ray mairap-bilay; erel mo pa rad saray patit ya imparaan da.

Saray Salmo 57:6

Saray kalaban ko pinatitan da ak na iket, a pangerel dad siak; mapalaloy kapapagaan ko. Angotkot iray abut ed dalanen ko, balet sikaran diliy naplag.

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Jeremias 18:20

Kaogsan ta so tumang na kamaungan? Balet angotkot iray abut a kapelagan ko. Nunot mo a sinmingger ak ed sika tan insalitaan ko ra nipaakar ed sikara, pian onkepa so pasnuk mod sikara.

Saray Salmo 119:85

Saray mapaatagey ya ag mangoonur na saray ganggan mo et angotkot ira na saray abut a pamatit dad siak.

Saray Salmo 94:13

Iitdan mo na inawa no panaoy gunigon, anggad pakakotkot na abut a pamatit ed saray makasalanan.

Say Libro nen Job 6:27

Sarag yon ilako iray anggan olila tan payamanen so sikayon dili diad panluko yod saray malet a kakaaro yo.

Say Libro nen Job 15:35

Sikara yay totoon mamplaplanoy kaogsan tan manggagaway golo; napno lawas na panamalikdo so kapusoan da.”

Isaias 33:11

Mamplaplano kayo na saray andi-kabaliksan tan anggapoy kana iray gagawaen yo. Say ispirituk et singa apoy a maneral ed sikayo.

Isaias 59:4

Mangisesegep kayoy kaso ed korti, balet andi kayo ed katonungan. Saray tila so panmamatalkan yod panalo yo. Papasakitan yo ray arum a totoo diad panggagawa yod saray maoges a plano yo.

Daniel 6:25

Insan sinulat nen Ari Dario iray totoo ed amin a bansa, anggan antoy kolor na baog da tan salita ra: “Maabig komun so kipapasen yon amin a sabien to yan ganggan ko.