Saray Salmo 69:7 - Maung A Balita Biblia

⁷ Lapud sika alemlemew ak tan mapalaloy inkabaingan ko.

Maung a Balita Biblia

⁷ Lapud sika alemlemew ak tan mapalaloy inkabaingan ko.

Saray Salmo 69:7 Referans Kwoze

Jeremias 15:15

Insan inkuanko, “Katawan, natatalusan mo. Nunot mo ak pa tan tulongan mo ak. Sika pa lay ombales ed saray mamapairap ed siak. Ag mo la ra aanosan, pian ag da ak napatey. Nunot mo a sikay makasengeg na panaakok na kababaingan.

Isaias 50:6

Intaryak so beneg ko ed saray nansiplat ed siak. Ag ko ra binaat nen pinabaingan da ak, nen binagut da ray balbas ko tan nilulukdaan day lupak.

Saray Salmo 44:22

Balet lapud sika, napapatey kami lawas, tan nipapasen kamin singa karniron papatasen.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Lucas 23:11

Si Herodes tan saray sondalo to niludlurey tan pinapabaingan day Jesus. Sinolungan day marakep a kawes, insan da impawil ed kinen Pilato.

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Saray Salmo 44:15

Lawas lay pakapapaabebak; mapalalo lay pakababaingan ko,