Saray Salmo 69:28 - Maung A Balita Biblia

²⁸ Naporak komun so kangaranan da ed libro na bilay; ag ira komun nibilang ed listaan da ray totoom.

Maung a Balita Biblia

²⁸ Naporak komun so kangaranan da ed libro na bilay; ag ira komun nibilang ed listaan da ray totoom.

Saray Salmo 69:28 Referans Kwoze

FILIPOS 4:3

Kekerewen ko met ed sika, matoor kon kaiba, a tulongan mo pa ra yan bibii. Tinmulong pa ni met irad siak diad impangikayat na Maung a Balita, a kaiba ray Clemente tan arum ni ran kakimeyan ko. Akasulat so kangaranan da ed libro na bilay.

Lucas 10:20

Balet ag kayo manliliket lapud oonuren kayo ray maoges ya ispiritu. Manliket kayo ingen lapud nisulat ed tawen iray kangaranan yo.”

Saray Hebreo 12:23

Sinmingger kayod maliket a tipon da ray pangulowan ya anak na Dios, a nisulat ed tawen iray ngaran da. Sinmingger kayod Dios a huis na amin a pinalsa, tan diad saray ispiritu na totoon matonung a nagmaliw iran ayadyari.

Ezekiel 13:9

Ngalngali ta kayo la dusaen, sikayo ran propita a tila ray pasingayew yo tan managpalikdo ray pasakbay yo. Ag kayo nakaiba na saray totook no mantitipon iran manggaway disision; ag nibilang iray ngaran yo ed listaan da ray mibabaley ed Israel; ag kayon balut makapawil ed dalin yo. Diad satan naamtaan yo a siak so Katawan a Dios.

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Puyan 22:19

Siopamay mangekal na antokaman ed saray propisiyan nisulat dia, ekalen na Dios met so pinanabang tod bungay kiew na bilay tan say pinanabang tod Masantod Siudad, ya asalita rad sayan libro.

Puyan 3:5

Saray manalo nakawesan met iray ampoti, tan ag ko ekaley kangaranan dad libro na bilay. Diad arap na Amak tan saray anghil to, birbiren ko a kayaryan ko ra.

Isaias 65:16

Siopamay toon manaayam ed dalin ya onkerew na bindision kerewen ton bindisionan na matoor a Dios. Siopamay mansamba mansamba ed ngaran na matoor a Dios. Naandi tan nalingwanan iray gunigon ed imbeneg a panaon.”

Oseas 1:9

Say Katawan kuantod kinen Oseas, “Ingaran mo so anak mo na ‘Aliwan-Took,’ ta ag ko totoo iray totood Israel, tan aliwan siak so Dios da.”

Isaias 4:3

Natawag a masanto ya amin iray totoon atilak ed Jerusalem, a sikaray pinili na Dios a napaliisan day patey.