Saray Salmo 69:20 - Maung A Balita Biblia

²⁰ Mapalaloy kaermenan ko lapud panagpabaing dad siak, tan nanaandian ak na ilalo. Nananap ak na mangasid siak, balet anggapo; nananap ak na manligliwad siak, balet anggapo.

Maung a Balita Biblia

²⁰ Mapalaloy kaermenan ko lapud panagpabaing dad siak, tan nanaandian ak na ilalo. Nananap ak na mangasid siak, balet anggapo; nananap ak na manligliwad siak, balet anggapo.

Saray Salmo 69:20 Referans Kwoze

Isaias 63:5

Mankelaw ak nen ninmengneng ak tan anengneng kon anggapoy ontulong ed siak. Balet pinabiskeg ak na pasnuk ko tan siak a diliy analo.

Saray Salmo 142:4

No onlingaw ak ed diking ko, anggapoy nanengneng kon ontulong ed siak; anggapoy mangyagel ed siak. Anggapoy mangaasikasod siak.

Marcos 14:50

Nagsibatik ya amin iray disipulo tan tinaynan day Jesus.

Say Libro nen Job 16:2

“Akadngel ak na saray salitan singa saraya nen saman; gunigon labat so iiter yon ligliwa.

Mateo 26:56

Balet agawa yan amin pian nasumpal so ibabaga ray propita ed Masanton Sulat.” Nagsibatik ya amin iray disipulo tan tinaynan dan bukbukor si Jesus.

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.

Juan 16:32

Onsabiy oras, diad tuay tua ginmapo la, a nikaykayat kayo. Onlay balang sakey ed sikayo ed labay ton laen tan natilak ak a bukor. Anggaman ontan, siansian ag ak mambukbukor, ta kaibak so Ama.

Juan 12:27

“Nagugunigon ak natan; anto kasiy ibagak? Ikuanko kasi, ‘Ama, ilaban mo ak ed oras na panliknak na kairapan’? Andi, ta say panliknak na kairapan so inakaran ko dia.

Marcos 14:37

Pinawil to ra may taloran disipulo, tan asabian to ran akaogip. Inkuantod kinen Pedro, “Akaogip ka, Simon? Ag mo ta nayariay mampuyat na saksakey oras?

Saray Salmo 123:4

Abayag lay impanlelemlemew ed sikami na saray mamayaman, tan say impanbabalaw na saray maruksan mapaatagey.

Saray Salmo 42:10

Makapkapoy ak lad panagpabaing da, ta tepet la ran tepet ed siak, “Iner so kawalaay Dios mo?”

Saray Salmo 42:6

Diad bansa a nibantakan ko onsasakit so pusok, kanyan sikatoy nanununotan ko. Tinabunan to ak na saray daluyon na kaermenan; pinadalanan to ak na delap na gewgew, a singa manungol a danum a napepelag ed Jordan manlapud saray Palandey na Hermon tan Mizar.