Saray Salmo 69:11 - Maung A Balita Biblia

¹¹ Mambabaliwan ak, et lapud saya, luludlureyen da ak.

Maung a Balita Biblia

¹¹ Mambabaliwan ak, et lapud saya, luludlureyen da ak.

Saray Salmo 69:11 Referans Kwoze

Jeremias 24:9

Iyakar kod sikara yan deral pian ontakot iray amin a bansa ed mundo. Ludlureyen ira na saray totoo, sutil-sutilen da ra, balbalawen da ra, tan ikana ran sakey a samba so ngaran da anggan iner a pasen a pangikayatan kod sikara.

1 Saray Arari 9:7

paekalen ko ray totook ya Israelita ed dalin ya inter kod sikara. Ikaindan ko met yan pinasantok a Timplo a sikatoy pangigalangan ed siak; balawen tan melag-melagen met na saray totoo ed inerman a pasen so bansan Israel.

Say Libro nen Job 17:6

Natan saray totoo ikakana ra yan oliran sumpad siak; saray totoo ondarago ran onlulukda ed lupak.

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Joel 1:8

Akis kayon singa sakey a marikit a nanangisan toy impatey na nubio to.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Isaias 20:2

Taloy taon kasakbayan na sayan agawa, imbaga na Katawan ed kinen Isaias a lakin anak nen Amoz ya ekalen to ray sandalya to tan say insolung ton sako. Inmonur si Isaias tan nanliber-liber a kasali-sali tan labus-lakseb.

Deuteronomio 28:37

Diad saray bansan pangitayakan ed sikayo na Katawan, saray totood man et nikelawan ira ed agawad sikayo; ludlureyen tan balbalawen da kayo.

Saray Salmo 109:24

Makapkapoy iray pueg ko lapud kakulangay kakanen ko; kapokepokel tan kakatakatat ak la.