Saray Salmo 68:2 - Maung A Balita Biblia

² No panoy ititikyab na asewek, ontan met so pamapagit tod sikara; no panoy katotonaw na ispirma ed abay na apoy, ontan met so ipapatey na saray totoon maoges ed arap na Dios.

Maung a Balita Biblia

² No panoy ititikyab na asewek, ontan met so pamapagit tod sikara; no panoy katotonaw na ispirma ed abay na apoy, ontan met so ipapatey na saray totoon maoges ed arap na Dios.

Saray Salmo 68:2 Referans Kwoze

Mikias 1:4

Insan diad silong to natonaw iray kapalandeyan, natonaw iran singa katonaw na ispirmad apoy; onibung irad saray patar, singa danum ya onaagos a nanlapud kapokdulan.

Saray Salmo 37:20

Balet ompatey iray totoon maoges, naandipat a singa rosas a balang iray kalaban na Katawan; naandipat iran singa asewek.

Oseas 13:3

Kanyan naandipat a singa kelpa ed kabwasan ira yan totoo; singa ra linaew a naandipat ed kabkabwasan. Magmaliw iran singa saray taep ed ilikan ya ipapalir ira na dagem, tan naandipat iran singa asewek ya ompapaway ed pasngawan.

Isaias 9:18

Say kaogsan na saray totoo et ondadalang a singa apoy a manemek na abeba ran kiew tan saray masabit a dika. Ondadalang a singa pool ed takel a mangipapaatagey na makapal ya asewek.

Saray Salmo 97:5

Natotonaw a singa ispirma iray kapokdulan ed arap na Katawan, diad arap na Katawan na intiron mundo.

Saray Salmo 80:16

Pinoolan na saray kalaban mi tan binatang da; moldagatan mo pa rad pasnuk mo tan patey mo ra!

Isaias 64:2

Onggiwgiw iran singa manlelwag a danum ya akatoon ed apoy. Gala pa ta ipanengneng moy pakayarim ed saray kalaban mo, tan pagiwgiw mod arap mo iray bansa!

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

Saray Bilang 10:35

Kapag ompikal imay Kaban na Sipanan, ikuanen Moises, “Alagey ka pa, Katawan; itaytayak mo pa ray kalaban mo tan pabatik mo ray mamobosul ed sika.”

2 Samuel 10:13

Kanyan si Joab tan saray totoo to kinmurang iran ondogpa, et kibatiktik iray taga Siria.

2 Samuel 10:18

et saray Israelita pinasoner da ray taga Siria. Si David tan saray totoo to akapatey iray piton lasus a kumakarwahin taga Siria, tan apataplon libo a kumakabayo. Asugatan day Sobac a pangulo na saray sondalon kalaban da, insan inatey ed bakalan.

Isaias 33:3

No sikay mibakal a para sikami, saray bansa ibatikan day ingal na bakal.

Jeremias 46:15

Akin et atumba si Apis a makapanyarin dios yo? Lapud kinabil na Katawan!’