Saray Salmo 68:16 - Maung A Balita Biblia

¹⁶ Balet, O palandey ya amayamay so toktok, akin et anlemlemew so pangipapasen mod palandey a piniliy Dios a panayaman to? Say Katawan manayam diman ya anggad angga!

Maung a Balita Biblia

¹⁶ Balet, O palandey ya amayamay so toktok, akin et anlemlemew so pangipapasen mod palandey a piniliy Dios a panayaman to? Say Katawan manayam diman ya anggad angga!

Saray Salmo 68:16 Referans Kwoze

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Isaias 2:2

Diad saray agew ya onsabi, say palandey a panalalageyan na Timplo so magmaliw a sankatageyan ed saray palandey tan ososdungan ton amin iray pokdul. Amayamay a bansa so onlan singa onaagos a danum ed sikato,

Saray Salmo 114:6

Kapalandeyan, akin et linmulukso kayon singa kanding? Kapokdulan, akin et kinmokogtut kayon singa kordiro?

Saray Salmo 114:4

Linmulukson singa kanding iray kapalandeyan; kinmokogtut a singa kordiro iray kapokdulan.

1 Saray Arari 9:3

Inkuan na Katawan ed sikato, “Nadngel koy pikakasim. Pasantosen ko yan Timplon impaalagey mo, ta sikatoy pasen a pangigalangan ed siak diad ando lan ando. Asikasoen tan iyagel ko ed anggan anton panaon.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.