Saray Salmo 68:14 - Maung A Balita Biblia

¹⁴ Nen say Makapanyarin-amin a Dios et binubuyak tod Palandey na Salmon iray arari, pinaoran tod man na yilo.

Maung a Balita Biblia

¹⁴ Nen say Makapanyarin-amin a Dios et binubuyak tod Palandey na Salmon iray arari, pinaoran tod man na yilo.

Saray Salmo 68:14 Referans Kwoze

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Saray Salmo 51:7

Ekal mo pay kasalanan ko, et magmaliw ak a malinis; orasan mo ak pa, et magmaliw ak ya ampoti-poti.

Saray Huis 9:48

kanyan linmad Palandey na Zalmon a pati saray totoo to. Angalay wasay, nambatang na saray sanga, insan to sinakbat. Imbaga tod saray totoo to a ganatan dan aligen so ginawa to.

Jeremias 2:3

Israel, bukor moy kayaryan ko nen saman; sikay masanton kayaryan ko. Pinairap ko tan initdan ko na segsegang iray amin a mamapasakit ed sika. Siak, say Katawan, so nansalita.”

Saray Huis 2:7

Legan a mabilay si Josue, nanlingkur ed Katawan iray totoo tan anggan kayariy impatey to, intuloy day nanlingkur legan a mabilay ni ray pangulon akanengneng na amin da ray makapakelaw a ginagawa na Katawan ed Israel.

Saray Bilang 21:3

Dinengel ira na Katawan kanyan impanalo to ran akibakal ed saray Cananeo. Kanyan saray Israelita sigput dan dineral iray Cananeo tan saray siudad da. Horma so impangingaran dad saman a pasen.