Saray Salmo 68:1 - Maung A Balita Biblia

¹ Ombabangon so Dios tan bubuyaken to ray kalaban to. Ombabatik ya atalo iray mamobosul ed sikato!

Maung a Balita Biblia

¹ Ombabangon so Dios tan bubuyaken to ray kalaban to. Ombabatik ya atalo iray mamobosul ed sikato!

Saray Salmo 68:1 Referans Kwoze

Saray Bilang 10:35

Kapag ompikal imay Kaban na Sipanan, ikuanen Moises, “Alagey ka pa, Katawan; itaytayak mo pa ray kalaban mo tan pabatik mo ray mamobosul ed sika.”

Saray Salmo 44:26

Bangon ka pa ta tulongan mo kami! Lapud ag mangoman a panangarom, iliktar mo kami pa!

Saray Salmo 89:10

Binibingkas mon singa bangkay so dragon a Rahab; lapud biskeg na pakayarim tinalom iray kalaban mo.

Isaias 33:3

No sikay mibakal a para sikami, saray bansa ibatikan day ingal na bakal.

2 Saray Awaran 6:41

Alagey ka, Katawan a Dios, insan ka onloob ed Timplo a kaibam so Kaban na Sipanan a tanda na pakayarim, tan manayam ka dia ed ando lan ando. Bindisionan mo pa ray paparim ed amin a gawaen da, tan manliket komun iray totoom lapud kaabigan mo ed sikara.

Saray Salmo 68:30

Pampasnukan mo pay Egipto, saman ya ayep ed katanobungan; pampasnukan mo ray bansa, saman a poluk na bakan kalakyan tan saray kilaw da, anggad ontuek iran mangibagat ed sika na pilak da. Buybuyak mo pa ray totoon labalabay day mibakal!

Saray Salmo 68:14

Nen say Makapanyarin-amin a Dios et binubuyak tod Palandey na Salmon iray arari, pinaoran tod man na yilo.

Saray Salmo 59:11

Ag mo pa ra papateyen, O Dios, ta ompan makalingwan iray totook. Buyak mo pa ra diad panamegley na pakayarim tan talom ira, Katawan a manangyagel mi.

Saray Salmo 21:8

Dakepen na ari ya amin iray kalaban to; erelen ton amin iray mamobosul ed sikato.

Deuteronomio 7:10

balet andi-saew a dusaen to ray mamosul ed sikato.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Daniel 2:35

Insan biglan akusbo ira may balatyang, dalin, gansa, pilak, tan balituk, tan nagmaliw iran singa dabuk ed panagilikan no tiagew. Intikyab iran amin na dagem, et anggapoy nakdaan a pakatontonan ed kawalaan da. Balet binmaleg imay bato tan nagmaliw a palandey a sinakuban toy intiron mundo.

Ezekiel 5:2

Poolan mod siudad so kakatlo to kayariy kalakob to. Alam so sananey a kakatlo tan tartartar mo na ispadam legan mon liliberen so paway na siudad. Ibuyandak mod tagey so akeraan a kakatlo, insan ko ra osil-osilan na ispadak.