Saray Salmo 66:2 - Maung A Balita Biblia

² Mankanta kayon mangigalang ed ngaran to; nagnap a dayew so iter yod sikato!

Maung a Balita Biblia

² Mankanta kayon mangigalang ed ngaran to; nagnap a dayew so iter yod sikato!

Saray Salmo 66:2 Referans Kwoze

Puyan 5:13

Nadngel kon amin iray pinalsan walad tawen, dalin, dalem na dalin, tan diad dayat—amin a pinalsad intiron mundo—tan inkuanda, “Naitdan komun ya anggad angga so akayorung ed trono tan say Kordiro na bindision, dayew, galang, tan pakayari!”

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Isaias 42:12

Saray manaayam ed arawin dalin et idayew tan igalang da komun so Katawan.

Saray Salmo 107:22

Nepeg dan pisalamatan diad panamegley na saray bagat, tan ibawag day ginagawa to diad panamegley na saray kanta na liket.

Nehemias 9:5

Saray onggendan a Levita tinawag dan mangigalang iray totoo: Jesua, Cadmiel, Bani, Hasabnias, Serebias, Hodias, Sebanias, tan Petahias. Inkuanda: “Alagey kayo tan idayew yoy Katawan a Dios yo; idayew yo ed ando lan ando! Idayew komun na balang sakey a too sa mapagalang a ngaran to, anggaman ya aliwan nagnap so panangigalang na too.”

Saray Salmo 107:15

Nepeg dan pisalamatay Katawan lapud ag mangoman a panangaro to, lapud makapakelaw iran ginagawa ton para sikara.

Saray Salmo 106:2

Siopay makapangidalatdat na amin iray makapakelkelaw a ginagawa to? Siopay makapangidayew na nagnap ed sikato?

Saray Salmo 79:9

Tulongan mo kami pa, O Dios, tan ilaban mo kami pa; iyagel mo kami pa tan pirdonam pa ray kasalanan mi, lapud kagalangay ngaran mo.

Saray Salmo 72:18

Idayew yoy Katawan, say Dios na Israel! Sikato labat so manggagawa na sarayan makapakelkelaw a bengatla.

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Saray Salmo 68:33

say manloglogan ed tawen, say tawen ya abaybayag lan niwala! Dengel kayod eyag ton makapanyari.