Saray Salmo 65:13 - Maung A Balita Biblia

¹³ Dakerakel iray karniro ed kaalogan; napnoy trigo iray patar. Maneeyag tan mangakantad liket iray amin a bengatla.

Maung a Balita Biblia

¹³ Dakerakel iray karniro ed kaalogan; napnoy trigo iray patar. Maneeyag tan mangakantad liket iray amin a bengatla.

Saray Salmo 65:13 Referans Kwoze

Isaias 55:12

“Maliket kayon ontaynan ed Babilonia; mareen kayon nipaway ed siudad. Mankanta ray kapalandeyan tan saray kapokdulan, tan mantipak ed liket iray kakiewan.

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy liket iray puso yo.”

Isaias 44:23

Eyag kayod liket, sikayon katawenan! Eyag kayo, sikayon aralem a pasen na dalin! Eyag kayod liket, sikayon kapalandeyan, tan amin yon kakiewan ed katakelan! Diad impangilaban tod saray totoo ton Israel impanengneng toy inkatalonggaring to.

Isaias 30:23

Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Zacarias 9:17

Agay lay abig tan dakep so pagmaliwan na dalin! Pabiskegen na trigo tan alak ya iter to iray tobun-balo.

Jeremias 48:33

Naandi ray liket tan gayaga ed mabonan dalin na Moab. Ag ko la papaagosen so alak a manlapud panagpespesan na ubas; anggapo lay manggawa na alak tan anggapo la ray oneyag ed liket.

Isaias 52:9

Ikasil yoy pankanta yo lapud liket, sikayo ran deral-deral na Jerusalem! Ta say Katawan iyagel toy siudad to tan ligliwaen to ray totoo to.

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Saray Salmo 144:13

Napano komun iray kamalir mi na amin a bungay tanaman. Libo-libo komuy iyanak na saray karniro ed kaalogan mi.

Saray Salmo 72:16

Dakel komuy naani ed dalin; natoboan komun na tantanaman iray nipokpokdul a pasen, tan mabunga ran singa saray walad Libano. Napano komun na totoo iray siudad, a singa karakel na malambut a dikarikad alog.

Say Libro nen Job 36:31

Onyay panamakan na Dios ed saray totoo tan say panangiter to na daakan a tagano.

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Joel 2:22

Ayayep, ag kayo natatakot. Malamlambut iray dikad pastolan; mambubunga iray kakiewan, tan walay daakan a bungay igos tan ubas.